【拾芳】林德信对角色有共鸣一样爱音乐 自爆细个曾追星
撰文： 翁汉珑
出版：更新：
电影《拾芳》将梅艳芳与歌迷之间相处的四段真人真事编写成剧本，并搬上大银幕，而电影的首映礼就在12月30日，即梅艳芳死忌当日举行。问到主演之一的林德信（Alex），他直言出演《拾芳》这部电影对他有很大意义：“《拾芳》对我嚟讲真系有好多意义，多到我都唔知由边度开始讲好......我以自己个角色故事为例，主角嘅父亲好早就过咗身，同埋屋企好穷，但系主角嘅梦想就系去外国读音乐，好在梅姐当年原来设立过一个慈善基金，目的就系帮助好似主角咁样嘅青年去追梦。我知道呢件事之后真系好感动！”此外，Alex亦表示自己对角色非常有共鸣：“我同主角一样细细个嘅时候都会抱住支结他，幻想自己有一日变得好受欢迎，可以同大家分享自己嘅音乐，所以演绎呢个角色嘅时候我都好容易投入去做。”
《拾芳》之外，其实Alex现实生活都有试过追星：“细个嘅时候试过写信比自己欣赏嘅一个美国歌手，信入边我同佢讲左好多佢嘅歌感动到我嘅地方，同埋我喺佢身上学习到嘅嘢，回望依家粉丝同偶像交流嘅渠道变咗社交媒体，其实我有时都会觉得少咗份亲切感。”
此外，2018年即将过去，Alex亦总结了一件自己认为最感恩的事：“我今年最感恩就系同曾若华Jude一齐合作做咗一首合唱歌《On The Road》，其实一开始我哋倾合作系冇谂过可以出到一首咁认真嘅作品公开比大家睇，到后来作曲，拍MV，最后完成得到成首歌，我真系好感恩。”