阎奕格下年演舞台剧要长居香港：我间房应该变咗个货仓！

阎奕格（Janice）昨日（26日）于旺角麦花臣开演唱会，适逢Boxing Day开骚，Janice希望歌迷喜欢这份迟来的圣诞礼物，对她而言亦是一份很好的礼物。

Janice表示在今次演唱会尝试了很多不同的曲风令她很满足：“今次有Disney嘅、有广东歌，有我自己嘅国语歌，仲有埋EDM添！”她笑言自己演唱会中玩的成份比较多，在台上都不禁在想：“我啱啱系唔系有啲癫呢？”

长居台湾的Janice透露由于要排练舞台剧，将会回香港“定居”：“我终于可以喺香港住耐啲喇，YES！明年嘅6月，我会喺香港嘅影艺学院出现一套叫《搭错车》嘅音乐剧！”她笑言自己的房间应该会非常之乱：“应该都已经变咗个storage（货仓）㗎喇，因为我真系好耐冇返屋企，我次次返香港我系住酒店，因为得一晚咋嘛，所以就，妈咪唔该！哈哈！”