【陈柏宇演唱会】尾场歌单特别长：以后冇人买第一场飞喇！

陈柏宇（Jason）一连三晚在九展Star Hall举行的《陈柏宇Jason Chan - Not Alone Live》演唱会于昨晚（26日）圆满落幕，首次适逢圣诞档期开骚与粉丝倒数过节，Jason坦言是一个既难忘又特别的经验。

Jason特意留到尾场大放送，为尾场的歌迷额外多准备几首歌，包括《万中无一》、《亲爱的仇人》及《尊严》等，所以演唱会流程亦相比起前两晚长，Jason笑言：“以后冇人买第一场飞喇！”被问到会否对前两场歌迷不公平，他则认为演唱会应该要有灵活变通，见到有人作出反映就要作出调动：“个show唔会话定咗系咁就系咁，系要去因实际run（进行）落去嘅时候睇大家嘅反应同我哋自己心目中嘅期望系两样嘢嚟㗎嘛，所以系会变嘅！第一、二三场好多时候都会有改动嘅！”

虽然如此，但仍有网民在网上反映，来到Jason演唱会当然想听到Jason自己的歌，但在平安夜举行的第一场演唱会却有一半都是圣诞歌曲和特别游戏环节，令该名网民难免有些失望。Jason解释希望可以与观众有多点互动：“当然成件事成唔成功，系唔系我哋想像中咁大家一齐（有热烈反应），又系冇想像中咁一齐嘅，呢样嘢系真系可以执下，但系个出发点系希望可以同大家有多啲互动。”

Jason出道12年，除了有不少唱到街知巷闻歌曲如《I Miss You》、《你瞒我瞒》及《别来无恙》等，不少sidetrack（非主打曲）其实也好好听。如Jason所言一直很少机会表演这些sidetrack给大家，所以趁住今次演唱会表演了好几首，包括首次公开演唱的2008年作品《Mr. Adult》、《一千种恋爱》、《没有吻的资格》和《鱼眼》。他知道歌迷一直都很希望听到他唱sidetrack，所以有机会的话都希望可以搞个“sidetrack音乐会”：“有机会嘅话个scale（规模）要细返啲，因为未必咁多嚟睇我嘅show嘅人系好认识我啲旧歌sidetrack嘅！所以个场细返啲嘅话，咁就可能会好啲。”