杜小乔拍小电影被胸袭　成YouTube 香港年度十大本地热门影片之一

撰文： 洪晓璇
出版：更新：

今年几位乐坛新人都系Youtuber出身，胁网上人气转战舞台，但讲到KOL转做艺人嘅成功例子，就不得不提“娘娘”杜小乔啦。今年佢继续KOL艺人两边忙，早前参演 VIU TV 旅游节目《坚离地》，同达哥深探日本文化火花四溅笑到爆厂；而佢主演嘅小电影《我的小鬼兵》，为求效果逼真，被胸袭都亲身上阵，成功跻身“YouTube 香港 2018 年度十大本地热门影片”第四位。

早前杜小乔参演 VIU TV 旅游节目《坚离地》，同达哥深探日本文化。（IG图片）

《我的小鬼兵》男女主角系合作无间嘅小乔同熊仔头，今次大玩人鬼情，饰演驱魔神棍嘅小乔，同熊仔头呢只鬼喺前段好笑又浪漫，催泪结局却令人心噏。三十几分钟嘅小电影，小乔交足功课，亦拍咗好多从未试过嘅戏份，例如食烟一次过起三飞，仲有一场长达半分钟、被人又炼又抓胸嘅镜头，不过呢对龙爪手主人，其实系属于一位女演员。

小乔同熊仔头再次合作，于《我的小鬼兵》中饰演一对。（影片截图）
见到小乔被胸袭大家嘅反应系咪同熊仔头一样？
原来呢双手系来自女生。
+1

打入 YouTube 排行榜更是一种公认，对此小乔说：“我觉得好开心，好替熊仔嘅创作团队好高兴，有份喺当中沾光我都感到好荣幸，而熊仔嘅创作团队藉 YouTube 各界嘅观众views数而得到肯定，好为佢哋觉得光荣，而佢哋独特嘅创作方式值得各界去参考。如果将来熊仔需要再拍摄续集，我都会义不容辞去参与。”

新一年小乔会拍摄一系列邪恶厨房系列，走入街市再反转厨房。