【江若琳结婚】踏上人生新阶段 　丈夫萧润邦：随时迎接新生命

江若琳（Elanne）今日（23日）和萧润邦（Oscar）大婚，晚上在香港嘉里酒店开设婚宴，一对新人出场接受访问时表示下午签纸行礼时都不禁感动流泪。

Elanne称自己心情太紧张，由昨晚开始失眠，直到行礼的时候才真真正正感受到结婚的感动：“到头先真系行礼嘅时候，我又拖住我爹哋，行到入场嘅时候𠮶刻我见到佢（Oscar）又想喊，我真系估唔到，因为佢一向都好硬正，又话咗一定唔会喊！”Oscar解释：“出场之前有个兄弟话畀张纸巾我，话我喊嘅时候可以用，我话唔驶，点知音乐一起嘅时候就好神奇地喊咗，好感动。”

Oscar今日在玩新郎环节上扮美少女战士、戴上口腔固定器和跳舞，Elanne笑称见到老公无囇形象觉得很“对佢唔住”，Oscar指住Elanne说：“我怀疑系佢谂㗎！”Elanne乖乖承认：“系呀系我谂㗎，哈哈！”

婚后的二人即将展开人生新旅程，Oscar大方表示会随时迎接新生命，Elanne称小朋友不能强求，要顺其自然。（之后会去渡蜜月？）Oscar：“会去英国啦，跟住要再谂吓，佢话想睇北极光，但前两日有啲冻已经顶唔住！我就话不如去泰国睇北极光啦！”