【机场特警】再与蔡思贝王浩信合作　张振朗：同Ali拍多次就正！

张振朗昨晚（21日）出席电视剧《机场特警》杀青饭聚，他透露大部份演员都在昨天拍摄的浩园场面中杀青，以悲伤来结束整部剧的拍摄，感觉很搞笑。他称整部戏的拍摄过程虽然很艰辛，亦受了不少伤，但振朗表示很不舍得：“完嘅时候有一种，唉冇得再著起𠮶套制服，会有少少觉得好怀念！”

会不会再想拍其他制服团队的剧？他笑称：“学生哥吖不如下次试吓！未试过嘅学生哥，呢套入面都有一次fresh grad嘅！（但之前畀人话你大叔扮学生㖞！）哈哈，系呀逆龄吖嘛！咁咪整套《逃学威龙外传之大叔》𠮶啲啰！”

张振朗在剧中有多场骚肌场面而要努力操肌练大只，他坦言最近已经有点身材走样：“三个月前我都好fit嘅，三个月后就已经冇晒！每日都烧走咗好多肌肉，我又冇时间去做gym，所以瘦返好多喇对比开头。”

振朗与蔡思贝在戏中饰演一对关系暧昧的好朋友，他坦言现实中二人自从合作《踩过界》后就变得非常friend就像兄弟一样：“我成日都讲，如果佢系男仔嘅话，佢就好似谢东闵咁。”他透露自己在下套剧《极度怪咖》又将会与《踩过界》的好兄弟王浩信团聚：“好开心，《踩过界》同思贝之后我又可以同佢合作一次喇，跟住依家我又可以再同浩信再来一次，应该仲争Ali（李佳芯），如果可以再同佢拍多次咁就正喇！”