《兄弟》未播完是失落奖项的最大原因？　杨明：拍剧唔系为攞奖

电视剧《机场特警》昨晚（21日）举行杀青饭聚，杨明坦言与剧中一大班演员挨更抵夜相处了近半年时间，所以在昨天拍摄最后一场戏后感到有点失落：“因为𠮶场戏系讲有人殉职，又要喊又要培养感情，所以最后一个shot导演话‘完工杀青！’又喺浩园𠮶个场景，最尾揸车走𠮶下我系有少少失落。”

杨明近来的作品如正在播映的《兄弟》、《铁探》和这部《机场特警》都有大量动作打斗场面，但他坦言拍摄《机场特警》是最辛苦的：“如果你有睇《兄弟》，夏天行系一个特工，佢系唔需要有战术嘅，但系《机场特警》要学习好多战术同操体能，喺日夜颠倒同唔够瞓嘅情况下要操肌肉对于我哋演员嚟讲会比较吃力。”以前经常饰演斯文人的他笑言自己爱上了演打斗戏：“虽然实有少少损伤，但系我觉得好好玩，呢类戏其实平时冇乜机会可以接触到！”

台庆剧《兄弟》在上星期日的《万千星辉颁奖典礼》上没有夺任何奖项，会否有点失落？“唔会嘅，我哋拍剧唔系为咗攞奖，而系为咗观众睇得开心，睇到观众对我哋嘅支持已经好足够。”（会不会因为在颁奖典礼后才播到全剧的戏肉觉得有点蚀底？）“应该唔会太蚀底嘅，咁攞奖𠮶套够播完咗好耐啦，其实佢要蚀底都仲蚀底过我哋。可能我哋个剧种唔同啲啦，唔紧要嘅，我哋再接再励拍啲唔同嘅剧种畀大家睇！”

女友庄思明在公开活动上透露杨明深得自己父母欢心，他笑称：“老人家钟意就最好啦，起码过少两关先！我爹哋妈咪就成日都催，由我30岁开始催，但系未有时间去安排呢件事，希望短啲（时间）啦，我哋两个都博杀紧，等事业有个基础先！”