MIRROR演唱会前夕压力爆煲 花姐：直情匿埋喺后楼梯唔敢见佢哋！
撰文： 赵允琳
出版：更新：
ViuTV真人show《全民造星》选出的12人男子组合MIRROR昨晚（21日）于九展Star Hall举行首个演唱会《2018 THE FIRST MIRROR LIVE CONCERT》，监制兼经理人花姐（黄慧君）表示就像梦一样：“我几个月前做《全民造星》呢个节目，冇谂过几个月后佢哋可以做一个演唱会，我自己都唔系好相信！”
花姐坦言临近演唱会自己压力爆煲失眠了好几日，更要在一班囝囝面前“扮无事”：“今日我嚟到又唔敢话畀佢哋听我好紧张，跟住我就诈病一路揾个口罩遮住自己，就系唔想畀佢哋睇到我个样，我好惊我自己紧张又会影响到班囝囝。开场之前我直情匿埋喺后楼梯唔敢见佢哋！”
花姐表示亲眼看见12个囝囝登上舞台时令她不禁有点眼湿湿：“《无尽》𠮶个位令到我好感动，因为《无尽》嘅歌词就好似讲紧佢哋喺度努力，同埋佢哋呢几个月不眠不休，有一啲怨言都冇，今日嘅成果系佢哋应得嘅。”
短短时间就能够把12个寂寂无名的男生打造成新一代的偶像团体，觉得自己算成功了吗？“我冇谂过呢个系唔系一个奇迹，我觉得香港好耐冇一个咁香港嘅男子组合，其实对观众嚟讲都系一个刺激，我觉得第一步我哋行得好好，一定要继续保持继续进步！”