【深宫计庆功】陈炜攞奖请食饭　暂冇追求者：我要吊深海龙趸㗎！

早前陈炜凭《宫心计2深宫计》中的太平公主夺得“最受欢迎女角色”，而同剧的马国明亦凭同剧的任三恕夺得“最受欢迎男角色”。剧集双喜临门，炜哥决定掏荷包请客，宴请一众劳苦功高的幕后，包括监制梅小青、方俊华等，炜哥说：“因为无佢哋我哋都攞唔到奖。”

离婚新闻被翻炒

自炜哥得奖之后，传媒界出现数之不尽的报导去回顾她的演艺事业，但炜哥2012年离婚的事又再被翻热，问炜哥会否因此而有所感触？她笑言：“其实都无可避免，因为记者朋友都钟意，或者系唔知问我啲咩嘅时候都会问，咁我都只系轻轻带过，有时我讲咗都唔知会变咗做标题，希望大家可以将个焦点放喺我嘅演艺事业上面啦！”既然炜哥希望继续在演员之路积极发展，哪下个目标又是否“视后”呢？她说：“我而家手头上面，加埋拍紧嘅《法证先锋IV》，总共有四部剧未出街，（哪个角色最有信心可以问鼎视后？）产量大，所以希望个命中率会高啲，不过都系随缘啦！”

忙到无时间理感情事

其实炜哥近年工作非常频繁，即使得奖后仍未言“加价”，实行继续密密做：“我好平㗎！”不过工作太忙，要重投爱情路的话实在分身不睱：“今朝又开外景，㖊晚又开紧厂，同埋而家我希望答谢晒身边啲朋友先，（有追求者？）无㖞⋯⋯我要吊啲深海龙趸㗎嘛！”