【人住公屋我住公屋】公屋价钱豪宅享受　西班牙超高质公屋全面睇

香港楼价屡见新高，越多越多人申请公屋“上楼”，不过想要上呢层楼，起码要等5.1年，系就系好耐，但当你谂到有27万陪你一齐等，个心可能会好过少少……
 

ViuTV节目《人住公屋 我住公屋》分别去到新加坡、日本、丹麦、法国、奥地利、西班牙等等嘅城市，参观当地嘅公屋，唔少观众睇完之后，都觉得香港真系一个悲剧，以第一集以例，新加坡最细公屋面积都讲紧系500呎，再睇远少少嘅丹麦，14岁就可以申请，而且唔需要有一定收入水平，而最前一集嘅马德里，900呎公屋楼价约为100万港元，面积大之余，外壳亦有花心思去设计……香港政府系如果肯系咁易学少少已经好好。
 

人口约6300期嘅马德里，有半成人都系住公屋，而当地嘅公屋大部分都系围绕市中心而建（第三与第四围之间），当地嘅公屋好多都系透过比赛而批出嘅建筑项目，话明系比赛，变相令呢批建筑物十分高质，完全系公屋价钱、豪宅质素。节目嘉宾主持林二汶同哥哥林一峰去到马德里南部的嘅卡拉万切尔（Carabanchel），参观于06年落成嘅FOA Bamboo House，公屋外层围上竹门，住客可选择竹门开或关，而喺竹门后面，设有玻璃窗，冬天时，只要打开竹门，当阳光直接入屋后，就可以起到保温作用，而夏天，关上竹门，既可防晒亦有透风，呢啲咁人性化嘅设计真系不得了。

林二汶同林一峰去咗参观其中一个单位，两个入屋后不停哗哗声，无他嘅，900呎、4房一厅（每房连独立露台）单系个厨房都随时大过香港公屋嘅一人单位。屋主Belem表示当初都系住喺市中心，但由于租金太贵，所以申请公屋，等候过程只系一年半左右，就获分配全Bamboo House最大嘅单位，楼价约1,068,000港元，月供都讲紧系4千几港元，唉……一百万，喺香港连车位都未必入到手呀！
 

其实喺马德里，政府为解决低收入家庭同年轻人住屋困难问题，早在07年通过《土地法》规定用于住宅建设的土地必须留出30％用于建造“保障房”。其中马德里南部巴列卡斯区，就已经有三栋保障住宅楼。此外，政府对置业人士给予首付补助7000至10000欧元，困难家庭每月还贷可以申请政府补助，对低收入青年租赁住房每年给予适当补贴。

再睇埋西班牙其他高质公屋