洪嘉豪开骚一见Shine即时泪崩　天佑：首歌唔应该系喊㗎 !

由幕后走到幕前嘅华纳歌手洪嘉豪，5月时推出单曲《半天空档》，连张敬轩都点名力赞，更以“有著无限潜力和爆发力的音乐人”形容。洪嘉豪昨晚举行新碟发布会，虽然轩仔未有现身，但其公司歌手卫兰、卫诗、许廷铿、Dear Jane均到撑场，不过最惊喜嘅就一定系Shine。

洪嘉豪于发布会上，以当年面试唱片公司时所唱的《地下街》以及《别放手》揭开序幕，其后当他走到台下唱毕《半天空档》，并接著唱《天又蓝》时，Shine突然现身台上，事前毫不知情嘅洪嘉豪即时激动落泪，佢哭笑不得表示每当失落时，都会听《天又蓝》勉励自己，估唔到如今竟然与Shine同台合唱。 收起眼泪后，洪嘉豪分别唱出《掉进海的眼泪》、《龟兔之爱》等歌曲，并多次感谢到场支持自己嘅朋友。

完骚后，洪嘉豪接受访问时，依然十分回味与Shine同台的画面，并指成件事十分癫。“我真系好钟意佢哋，如果头先有机会Jam多首歌的话，我一定无问题，佢哋真系安抚我心灵无数咁多次。”他表示自己平时唔易喊，但今日于台上流泪系因为太激动。首次举街音乐会，洪嘉豪坦言事前甚为紧限，怕无人撑场。“因为有时做商场骚，好多人都未必知我喺边个，成日都会令我自信心下降，但今日见到咁多人，而且识唱的啲歌，所以系好开心。”

Shine接返访问时，表示因曾与洪嘉豪唱片公司同事合作，从而得知洪嘉豪的音乐历程，故决定为对方带来惊喜，但就估唔到佢会喊成咁。天佑笑言：“我哋差啲陪埋佢喊，因为《天又蓝》其实并唔系一首喊歌，亦唔知有咁嘅作用，但亦都令我谂返起当年作呢首歌时，高音位录咗过百次，当时又未出道，系好辛苦。”又南指如做音乐人比以前更加困难，得知洪嘉豪如此用心，所以觉得点都要支持。