钟欣潼减肥照食北京烤鸭鸡脾　图辑睇清新娘一个月点减15磅

撰文： 邝钰莹
出版：更新：

钟欣潼（阿娇）同台湾“医界男神”赖弘国今年5月喺美国举行百万浪漫婚礼，而喜酒就定于12月20日在香港补辨，为咗做靓靓新娘子，阿娇一个月开始进行地狱式减肥，并拍摄成短片“阿娇婚前减肥日志 ”。

DAY 1 : 阿娇以花胶汤调理身体同补充力量，当时体重112磅嘅佢，目前系减到99磅左右：“最近开始控制胃口，食肉同菜，我唔想减得太清，因为太清可能饮宴𠮶啲一饮就醉，但就唔饮甜同戒淀粉质，加上运动。”阿娇话靠运动加上控制胃口，两日已经踢走5磅。
DAY 2： 做完重量运动，最紧要拉筋，不过阿娇都建议大家“量力以为，唔好迫得自己太尽”
DAY 3： 虽然系减肥，但阿娇就话唔好比自己有饿嘅感觉，亦唔好饿住去瞓。“我寻日食咗鸡脾，唔好食皮”咁减法真系得？阿娇话体重都有下降。
食炒唐生菜，都算好清
DAY 5： 唔想有胃腩的话，食嘢要食慢啲。 阿娇做紧呢组系叫superset，专门收拜拜肉同鬼崇肉。
DAY 6 ：老公赖弘国要出差10日，阿娇本身想做跟得夫人，不过佢就话因为要做运动，所以放弃呢个念。仲话“想佢返嚟见到好瘦嘅我”
DAY 7： “我做运动都系因为佢”呢个真系一个好好嘅理由
DAY 8： 减得咁辛苦，阿娇当然要对自己好啲，佢仲话前日喺北京食咗只北京烤鸭，返港后，再整多个韩式拌饭、辣牛肉汤、饺子同馅饼……教练听到，要佢一次还返晒。
DAY 9 ： 虽然阿娇唔戒口，但有啲嘢佢都唔会食－－零食。
DAY 10： 呢组动作主要系减patpat、大脾同下腹。
DAY11： 经过十日唔戒口嘅地狱式减肥，阿娇正式宣布：手臂幼咗！！ 不过同时佢话自己寻晚食咗个捞面，佢真系可爱到晕…… 健身教练表示呢气绳有成8KG重，减手臂一流，如果想增强效果，就要好似阿娇咁著长袖衫。
DAY12： 做呢SET动作一定要掂地同贴近心口，蹲下呢个动作系收patpat，而起身动作就可以收手臂同肩
DAY 13： 虽然阿娇话手臂幼咗，但包包面仍然，原因系：食太多浓味嘢，搞到水肿。
DAY 14： 有网友留言指阿娇愈减愈肥，不过佢就话唔会介意，因为佢呢日返公司，大家都赞佢块面瘦咗。
DAY 15： 由于要宣传新歌，所以阿娇连食饭时间都无。晚餐主要系肉同菜。
DAY 16：因为就快要试婚纱，所以要加强收手臂、肩、大腿同臀部等动作， 教练仲好好咁奖励阿娇食朱古力补充能量。 　
DAY 17： 相个呢句说话可以令阿娇减多10磅。
DAY 19： 阿娇之前做呢个动作时，因为条腰太硬令佢好辛苦，但见佢愈做愈顺，睇嚟都真系下咗唔少功夫。
除咗有老公陪之外，阿娇呢日仲有班中学同学“突袭”同佢搞bridal shower。
婚礼进入大直路，虽然阿娇话仲有拜拜肉，但都肯以背心示人，咪就真系因为瘦咗好多啰。
钟欣潼
香港艺人动向
潮流日常