【万千星辉】冯盈盈太紧张讲错英文　到底咩系over-warm？

冯盈盈讲嘢一向都够爆够踩界，大家睇节目《后生仔倾吓偈》入面嘅言语都知啦！今晚（16日）佢得到“飞跃进步女艺员”奖嘅时候，除咗一直话自己唔够班之余，仲话谂住拎唔到奖就去厕所。但唔只呀，佢最尾讲咗句“我仲系好over-warm”，真系搞到一班观众搲晒头！但记者估计，FYY应该系讲紧“overwhelmed”，即系受宠若惊咁解！或者系紧张得济，一时口快讲错咗啫！之后FYY喺庆功宴上面都有更正，重复讲返几次“overwhelmed”嘅正确发音。