张敬轩IG玩“你问我答”变感情台　为网友解答爱情奇难杂症

Instagram（IG）自从推出“你问我答”功能后，一众艺人经常用此功能交流，而在社交平台非常活跃的张敬轩昨晚（16日）亦用“你问我答”功能，欢迎各位歌迷向他提问，不少人除了问他有关音乐、信仰、日常生活和搞笑抵死问题外，竟然有不少人向轩仔询问感情问题，所以轩仔自封“白jerjer”、“白钢琴”，为网友解答爱情疑难。

如果要记者严选最精辟的回论，必定是有人问男人为何过不了情关，轩仔说：“两个字：咸湿”，相信大家都非常有共鸣！另外，有歌迷与男友拍拖八年，正纠结两人关系是否“合久必分”，轩仔认为世事无绝对，不过他觉得“要结婚最好就亲（衬）最热恋𠮶几年结婚，忍让度高啲，磨合时间亦都容易过啲”；亦有网民的男友喜欢已读不回，轩仔则希望该名网友先从自己身上找出问题，唔好觉得人哋对自己好唔好，要谂自己有无成为一个可以吸引人对自己好嘅人；又有人与追求中的女性朋友关系恶劣，问轩仔该如何是好，轩仔直言：“如果真系唔啱嘴型就做番朋友啦”。

恋爱中的网友要揾轩仔解决问题，而经历失恋之痛嘅歌迷更需要轩仔安慰。有位和轩仔一样来自广州的歌迷与丈夫分开，令她觉得一个人很辛苦，听到轩仔的歌时不禁落泪，轩仔就回应安慰：“我哋嘅人生就好似搭巴士一样,可能有啲人会由起点站陪你搭到去终点站；有啲人虽然同你一齐喺起点上车，不过中途发现自己屎急，所以急急脚落咗车，总之无论为咗佢、为咗自己，都当佢系有迫不得已嘅原因。有时原谅人系为咗原谅自己，放过自己，再等待下一条茂利上车。”其实无论感情定系同任何人相处，轩仔呢个“巴士理论”都相当啱数啊！

齐齐睇“白钢琴”点解答感情问题

此外，老友王菀之近日被传有喜，有歌迷向张敬轩求证时，他回答：“斋睇肚腩唔作准 #佢keep住有咗十几年”，不过就未有正面回应Ivana系咪真系有喜啦。唔知道轩仔嘅答案有无解决到大家嘅疑问呢？

轩仔究竟点回应网友嘅奇难杂症呢？