【找数】张敬轩揾埋当奴扮“飘零燕”唱儿歌　加插泰文出奇地夹

张敬轩因为经常“走数”，所以被粉丝改了一个“走数轩”的花名。轩仔为了一洗污名，今年他开始找数，包括出碟、演唱会、拍科幻片等，轩仔于自己的社交网站上载一条片段，DJ当奴在片段中，着住条短裙仔通山跑，而轩仔就拎住草泥马公仔同当奴在山上面玩，原来轩仔翻唱经典卡通片《飘零燕》主题曲，还找来当奴拍埋MV《阿尔卑斯山的中女》，找埋欠歌迷的“儿歌数”。

MV制作得一丝不苟，特别在造型方面，真的落足心思，好似轩仔饰演的“彼得”和当奴饰演嘅“海迪”，无论由发型到服装，都同原著一模一样。唱腔方面，轩仔一改平时靓声，改为以一把卡通声去唱；歌词更显心思，唱到中段，突然加插泰文及日文，音调效果出奇地夹。

事后轩仔说：“泰文同日本系突然间谂到所以唱咗出嚟。”他笑说：“好希望可以凭呢首歌打入国际同儿歌市场。同埋走数嚟讲呢，我系找得慢啲嘅，总之有拖冇欠啦。”