【TNF 100】黄德斌初试22公里越野跑赛：标准时间内完成就OK！

“2018 The North Face 100 Hong Kong ”今日正式开跑，是次以“Green Race”作为主题，并与环保团体长春社合作，设计出一系列的绿色赛事方案。大会早年已要求参赛者自携盛水器皿，以避免制造大量的如即弃水杯等的塑胶废物。

“2018 The North Face 100 Hong Kong ”除了吸引了一众来自世界外地热爱“跑山”的运动好手之外，更吸引了热爱运动的黄德斌参加。据知，今次越野赛可算是黄德斌的“处男”比赛，他接受《香港01》访问时笑说：“冇㗎，今次纯粹系嚟体验下，观摩下。（马拉松呢？）冇㗎，除咗读书时期参加过校运会之外，就冇参加过任何赛事。”不过，黄德斌表示今次只是“小试牛刀”，100公里组别就比较困难，所以只是跑22公里赛事挑战自己。

谈及今次参加赛事的原因，黄德斌说：“今年4月嘅时候，就跟住发哥跑山，之后就跑咗条瘾出嚟。又咁啱朋友介绍咗个操体能嘅教练畀我，佢就同呢班跑山嘅专家好熟，就一齐训练。我有时间就会去听下佢哋训练，跟住我个教练就同我讲：‘不如试下啦！我帮你报名，你可以睇下自己训练嘅成果。’所以，我咪试下啰。”毕竟今次是黄德斌的“处男”跑山比赛，同时又是国际级盛事，到底黄德斌有无信心跑出好成绩呢？他回答说：“佢有最低限度嘅完成时间嘅，咁我梗系想喺标准时间完成到，就OK㗎啦，哈哈。”

访问中提及，当初黄德斌开始“跑山”的原因是因为周润发（发哥）。问起黄德斌与发哥成为跑友的原由，他说：“𠮶时我系跟佢行山嘅，但系行山都唔够佢行，佢行我都追佢唔到嘅，到知道佢开始跑，就好奇一齐跑下啦。（佢叫埋你定自荐？）自荐嘅，因为佢都唔知我得唔得闲㗎嘛。得咪一齐跑啰，边个嚟佢都Welcome㗎。佢系我其中一个教练嚟㗎，佢系最先教我跑山㗎。（发哥跑山有几快？）佢好犀利㗎，智叔都好犀利，方中信都好犀利，我系最渣𠮶个嚟㗎，哈哈。（发哥佢哋通常跑边度？）每个星期都会去跑唔同嘅山，咁先好玩吖。（要野生捕获发哥咪好难？）系吖，香港咁多山，你真要通山揾。（边个揾路线？）梗系发哥啦，发哥系香港嘅山主嚟，去到边都会同我哋讲呢个山𠮶个咩山。”