【人住公屋我住公屋】走访西班牙维也纳　林二汶感悟：要丰富内心

香港地少，寸金尺土，人多车多，有人说，公屋是“人生胜利组”的入场券，不过一般公屋申请平均轮候时间为5年半，未来很大机会会突破6年，基层市民“上楼”似乎遥不可及。其实公屋并非香港独有，究竟海外的公屋有多大？租金多少？居民生活状况又如何呢？今次ViuTV制作全新节目《人住公屋我住公屋》，邀请曾钰成、长毛、黄秋生、林一峰、林二汶等，去探访其他国家的公屋，介绍当地生活，并由周一（12月17日）起，逢星期一至五晚上10:30在99台ViuTV播出。

西、奥征重税福利好　5千蚊港币租金住7百呎公屋

二汶今次同哥哥一峰去了西班牙同奥地利维也纳，第一时间见到当地的公屋，二汶直言好羡慕：“𠮶度系收好重税嘅，我唔确实，大概等于你啲人工都差唔多1/3咁上下！”二汶没有明言“𠮶度”是指西班牙还是奥地利，但记者翻查资料，两国的个人收入税，分别为19%至45%（西班牙，2018）以及50%至55%（奥地利，2018）。

正因为1政府征重税，“所以福利都相对好，，但系你相对住嘅地方当然够大，因为地方大。第二就系政府畀好多资助，例如一个6、700呎嘅公屋单位，一个月5,000蚊港纸度，咁够你一家人住，小朋友又有自己房，阿爸阿妈又有自己房。”反观香港，5800蚊可能也只能住一间80呎的㓥房，所以二汶也慨叹：“两个地方嘅住屋……冇得比！”

香港满布高楼大厦，空间窄，城市挤逼，令人倍感压力。不过国外的城市节奏同气氛却有所不同，二汶说：“首先工作时间唔系好长，唔系好多大型商场，唔系好鼓励你要购物，系一个生活嘅好地方，𠮶度一间屋都系山顶嘅大屋咁嘅样，生活质素好高。”

政府市民共保古迹　棺材厂改建前卫公屋

二汶今次的旅程为期两个礼拜，当中最有趣的地方要数维也纳的公屋计划，其中一种是由古迹改建：“因为有一班居民见到个棺材厂Hea咗喺度又执咗笠，于是写咗个Proposal（计划书）向政府申请，咁呢一班申请嘅人，就系住呢个Public Housing（公屋）嘅人，佢哋就揾咗设计师同建筑师，改建成一个好得意嘅复式单位，系每一个都系复式单位，两层咁样，一层系一个倒转嘅L，另外一层下面系一个正嘅L，咁样拼埋，就系一个Unit（单位），然之后就一排系咁嘅Unit。因为政府要求要保留部分古迹，所以佢哋就保留咗一个棺材厂嘅烟囱。”

而在西班牙，二汶就探访由货柜改建的公屋，一个搭一个，大概200户左右，好似小围城一样，不过不能入房参观。另一个特别的公屋，是利用气候的特性，造成冬暖夏凉的效果，还曾经攞过奖，这就是位于马德里的“FOA Baboom House”，二汶介绍到：“有一排竹遮住，好似一个Box咁样，𠮶啲竹全部都系每一户嘅一个窗嚟嘅，咁冬天就打开晒佢，等啲阳光照射入嚟，间屋就暖喇，如果夏天就闩晒，风吹过啲竹就会令啲空气冻咗，然之后𠮶啲空气就会喺入边，够凉，所以入边系冇冷气嘅。”

见识世界后反思：“冇钱买楼唔紧要，揾钱去咗旅行先！”

见到香港同国外居住环境的差距，二汶也相当感触，于她而言，因为工作多年，积累了一定的经济基础，自然可以选择居住的地方。但在见识到他国的公屋设计，以及生活质素之后，她便由此引发深思：“除咗羡慕人哋嘅Public Housing可以做到咁之余，究竟我哋嘅生活可以为自己建立啲乜嘢？呢个系我去睇呢个世界嘅时候，我得到嘅改变。”

香港地少人多，好多时候没有自己的空间，可能最大的“空间”就是好大的Mon，通过这个Mon可以看到很多网上的片，从而丰富自己，得到满足感，但这远远不够，二汶表示：“虽然会羡慕人哋嘅生活，但我哋都应该反省下，除咗个社会同政府可以做嘅嘢之外，我哋自己可以做啲乜嘢？我就系讲你有冇丰富到自己的内心，冇钱买楼唔紧要，揾钱去咗旅行先！”好的改变一定由“心”开始，见识世界就是第一步。

未想过移民：我希望见到改变

现在香港越来越多人倾向移民，住屋问题便是原因之一，出道多年，二汶也见识过不少，不过她就未想过移民：“我好钟意香港，我而家30几岁，喺度做紧呢啲节目，喺度睇紧呢个世界，攞一啲嘢返嚟，然后我而家讲紧嘅嘢，我希望到老嘅时候见到呢啲改变。我始终都系有份感情，我长大嘅呢度佢有好多可爱嘅嘢。”虽然现在大家好似活在一个好噩梦的感觉，好大压力，但二汶相信这只是一个阶段：“如果到我死之前，呢个唔系一个阶段，系一个Dead End（死胡同），系一个现实，OK，咁我系喺呢度嚟嘅，我冇得嫌我屋企。”

鼓励年轻人旅行增长见闻　改不了制度先改变心态

虽然这个节目未必可以令香港政府改变房屋政策，不过二汶觉得有一件事，是大家可以即时做到的：“我同我阿哥有机会跟住ViuTV去咗睇外国地方唔同嘅公共屋邨，而呢个对我哋嚟讲系一个见世界嘅机会，我好鼓励尤其是90、00后嘅年轻人，你哋去旅行，你哋去睇下。虽然你可以睇书、睇YouTube，喺网上面睇到好多呢啲资讯，但真系不及你望一眼。如果我哋唔可以即时改变呢个社会嘅制度，但系我哋要改变我哋嘅心理，令心理更加丰富。睇完呢啲片，或者睇完呢个访问，你听完我讲呢个说话，有10个人都好，你哋试下跟住呢一个tour去望一望当地系点样，然之后explore自己去旅行，呢个我觉得系最即时做到的改变。”

Make up: Kris WongHair: Derrrick@the.muse.hairWardrobe: wagamamaplayground场地：九五茶座 放宫乐园