【Yahoo人气奖】大小姐送水辉夺荧幕情侣奖：系网民帮我哋谂出嚟

由雅虎香港主办的“Yahoo搜寻人气大奖2018”今日（12日）在尖沙咀文化中心举行，在无线处境剧《爱·回家之开心速递》中饰演龙力莲（大小姐）的林淑敏，和饰演宋瑞辉（送水辉）的许家杰荣获“人气萤幕情侣奖”，林淑敏亦以个人名义获颁“人气电视女角色”。林淑敏受访时表示：“多谢《爱·回家》，但其实我哋只不过系一个代表，多谢网民咁钟意，呢个除咗对我哋系一个鼓励之外，亦都系对《爱·回家》团队嘅支持。”许家杰亦多谢网民赋予称号：“我哋嘅标签系大小姐，送水辉或者系莲辉咁样，所以令大家都好容易记得我哋，其实莲辉都唔系我哋自己谂出嚟，系网民帮我哋谂连辉恋。”

为“万千星辉颁奖典礼”打强心针？

“无呀，平常心，有提名都已经系水准肯定，”林淑敏续说：“公司‘最受欢迎电视拍档’我睇好欧瑞伟同李伟健、曹永廉同萧正楠。我自己都有睇F4，所以点排都排唔到我同送水辉！”不过其实二人最希望是长做长有，目标是打破经典处境剧《真情》超过1千1百集的纪录，许家杰谓：“做多两年左右就可以喇！”