美女学徒钟晴IG大骚四嚿腹肌：想睇下自己可以去到几尽！

成日都话“减肥系女人嘅终身事业”，为了保持最Fit身形，女士们愿意再多汗水都无怨言，身为女艺人就更要加倍努力！有“翻版薛凯琪”之称的钟晴（Karlie），自去年加入TVB之后，参加过数个节目，最近期的就是《美女厨房》中的美女学徒，因为样貌甜美而令观众留意。最近Karlie就在IG post了一段做Gym的影片，当中最吸睛的就是四嚿腹肌！

Karlie前年报名参选 ViuTV 选美节目《美选D.n.A》，但当时的她还有点Baby Fat，身形未算出众，但近年她密密操Fit，不止越来越瘦，还操出四块腹肌，可想而知Karlie背后付出了多少努力！Karlie接受《香港01》访问时表示：“最紧要坚持，唔可以放弃。我每一晚都会做腹肌训练，有时我都觉得好攰，同埋有时食饱咗冇咗腹肌会有啲唔开心，之后就会再努力啲加重量，越做越钟意。”

其实Karlie一向都有做运动的习惯，最常做的就是健身和瑜伽，虽然她现在腹部线条很明显，但Karlie就坦言因为自己为食，难以抵挡美食诱惑，所以为了Keep住线条都要付出不少：“宜家有四旧腹肌，有时夜晚暴食，第二日就会冇咁明显，但操一操就会出返嚟，肌肉唔会消失。因为我好钟意食甜品，又冇点戒口，加上一个礼拜有两三日都出去食饭，所以尽量勤力D，因为冬天真系好难减。”

虽然Karlie试过因为太辛苦想过放弃，但最后她都坚持下来：“我成日去做运动，做下做下瘦咗落嚟，跟住就会不断追求𠮶个感觉，个人就会健康咗，食嘢都会好注重。嚟紧圣诞，圣诞真系好难减肥，我想喺圣诞之前Fit啲，咁冬天咪有quota可以食嘢啰。”

Karlie透露现在体重48KG，但她就希望可以再减多2KG：“努力减下身，因为自己下身偏肥，都好羡慕其他女仔手脚纤幼，希望自己做得到。”刚刚去完日本拍摄旅游节目《3日2夜》的Karlie，亦不抗拒性感演出，而她保持运动的动力，也是为了让自己变得更好：“都系为咗自己，睇下自己可以几挨得，想睇下自己可以去到几尽，唔想错失任何机会，所以要随时ready。”这份坚持和毅力，绝对不是人人都有！