【后生仔倾吓偈】冯盈盈Sponsor当礼物畀未来奶奶：成件事几开心

就到圣诞节，又系时候送礼物给挚亲好友以表心意。无线最新一集《后生仔倾吓偈》3位主持包括冯盈盈 (Crystal)、麦明诗 (Louisa) 同埋陆浩明 (6号) ，以及一班大学生KOL就分享送礼经历。而送礼物时当然要讲埋祝福说话啦，送啱礼物之余，祝福语都要啱心意先至可以氹得人开心。Crystal今集就示范咩叫“开口夹着脷”，送礼物畀未来奶奶时点样一秒激嬲对方。

Crystal原来好识得物尽其用，佢会将Sponsor送赠嘅保健产品转赠未来奶奶，被6号取笑她“好有心呀！”而Crystal就指大家唔应该将重点放喺Sponsor上：“应该将重点放喺保健产品度，成件事几开心。要有啲语言伪术，如果话送畀你啲保健产品系Sponsor嘅，听落去就好差，但系话Sponsor送啲保健产品畀你呀，个感觉咪好好多啰。”果然口甜舌滑识氹人，不过Louisa似乎就唔多buy，仲即时扮演未来奶奶嚟考验Crystal。

化身成未来奶奶嘅Louisa话Crystal送保健产品畀佢，即系间接话佢唔够靓要补补。此时Crystal就乖新抱上身话：“唔系，系想畀你更加滋阴，等你延迟更年期。”大家一听到佢讲呢句即时起哄，Louisa扮奶奶发火话：“更年期？”6号就叫Louisa冷静，并对Crystal说：“女人最忌讳讲更年期呢啲嘢㗎嘛。”Crystal咁讲完全系氹奶奶变激嬲奶奶，佢却依然唔收口咁话：“继续生，同老爷继续恩爱啲。”被6号指佢愈讲愈错。

一齐睇下呢集嘅精彩片段，同埋Crystal啲靓相啦。