苗侨伟囡囡苗彤唔排除拍港剧 ：如果有机会会考虑

三哥囡囡苗彤（Phoebe）今日（5/12）同爸爸苗侨伟一齐出席活动，长驻加拿大嘅Phoebe难得返嚟香港一个月，嚟紧去台湾，为一间澳大利亚公司拍摄旅游节目。

本身系摄影师嘅Phoebe，掌镜嘅同时亦系演员同model，唔知佢有冇兴趣返嚟香港发展？“暂时冇呢个打算，因为都冇打算返香港住，因为都系想留喺加拿大，所以都系喺𠮶边做嘢方便。（TVB有冇邀请你拍剧？）如果有好嘅机会都会考虑，但暂时未有。”

三哥系公认嘅型男，3岁少女至80岁阿婆都系佢fans，问到Phoebe会唔会想同老窦拍剧，佢就话兴趣唔大，“冇特别想同佢合作，因为公还公，私还私，佢系受欢迎，但佢系我daddy，唔一样。”