【后生仔倾吓偈】冯盈盈18岁唔止收HERMÈS袋：另一份礼物仲癫

最今一集《后生仔倾吓偈》以18岁为题，一众后生仔除分享自己18岁后“解锁”事项后，亦有讲到18岁时收到嘅生日礼物，冯盈盈好认真咁话18岁父到爸爸所送嘅一份厚礼，仲即席拎出嚟，原来系个绿色嘅HERMÈS Picotin Lock Bag，大概三万多元，虽然HERMÈS系唔少女士心目中的殿堂级手袋，但FYY收到呢个袋时，第一个反似乎唔系咁开心，并以“颜色好特别、好罕见”呢个作为掩饰。
 

至于点解冯爸爸咁大手笔呢？FYY话爸爸觉得佢大个女，希望“用啲嘢要有taste啲、学识欣赏啲靓嘢。”讲到呢度，麦明诗都忍唔住插咀表示：“佢对你系有呢方面教育，但你点解出到嚟系而家咁?”堪称“大叔系女子”兼MK港姐嘅FYY只能尴尬一笑，更笑言连个袋点用都唔识，所以一直都系放喺屋企，之后仲被6号发现袋入面有吹气胶袋（令包包不易变形，可惜FYY的袋中袋已漏气），证明FYY真系极少使用呢份爸爸的礼物。“果阵我真系唔明个袋点解咁贵，但爸爸心态系大个女，要睇靓嘢，准备投入金钱、物质世界。”喺品味放面，虽然FYY都应该几令爸爸失望，但至少喺眼光方面，佢都叫揾到位富贵医生男友。

而其实除咗名牌手袋之外，FYY 18岁收过另一份厚礼，佢接受电话访问时表示：“𠮶时好钟意Super Junior，咁啱又考完DSE，所以屋企人就送咗一个日本演唱会之旅比我，仲同埋我一齐癫，之前喺节目都有提过。其实𠮶次好有意义，因为细佬有慢性病，要定时定候食药，又唔可以去人多的地方，所以出门旅行唔太方便，但𠮶次因为我要去癞，所以佢就成为受益者，亦系佢第一次去秋叶原，结果系买咗好多figure、好开心，自此佢就爱上日本，而且净系识去东京，你话死唔死？咁𠮶时都系一个好开心又难忘嘅回忆。”