汪明荃掀长者开IG热潮　今次轮到呢位60岁潮人加入

近排又多咗艺人开IG喇，继汪阿姐、司棋姐开通Account 之后，男神三哥苗侨伟都呢两日都开咗IG帐户，其实今年60岁嘅三哥不嬲都有玩开微博，依家开埋IG，大家又多个渠道了解三哥喇。因为只系开咗两三日，三哥头两个IG posts 系同一对仔女嘅合照，同埋细仔苗俊大学毕业照，竟然唔见三嫂戚美珍㖞！唔知三嫂会唔会mind 呢？

其实三哥本身都不太活跃于网络，不过上月就稍为出多几个posts，可能系因为佢有份主演的中港合拍新剧《守护神之保险调查》即将出街，但香港呢边完全零宣传，所以三哥要自己开埋IG，自己宣传新剧。呢套剧系邵氏同爱奇艺网站首次合作拍摄制作，将于本月6日喺爱奇艺首播，香港方面则会喺myTV SUPER同步播放，想免费睇就要等到12月24日，先喺翡翠台播出。