【美女厨房】麦明诗以V领短裙煮食　10A唔怕网民闹：我都有嘢睇　

《美女厨房》最后一集请嚟6位最高分嘅嘉宾决一高下，当中包括麦美恩、张曦雯、黄智雯、麦明诗、龚嘉欣、虾头，第一回合，张曦雯、麦明诗同虾头应嘉宾要求，各自煮出“瑞士手工肉丸”、“忌廉鲜虾浓汤”以及“油炸花生南瓜圈”，论厨艺，张曦雯绝对系系由头带到落尾，就连嘉宾林文龙都被吸引。

眼见众人目光不在自己身上，身穿V领短裙嘅麦明诗突然表示：“喂，我都有嘢睇，乌身的话。”听到阿Bob大叫“嚟料”，麦明诗就细细声咁话：“我有谂过。”真系估唔到麦明诗会出动到事业线呢一招！一众网民见到之后，都忍唔住问：“著到咁煮饭想点？”甚至认为麦明诗此举有博上位之嫌，亦有网民指比起麦明诗早前疑似真空直播弹琴，v领骚事业线简直系碎料。

虽然麦明诗无论系打扮定表现都好卖力，但就因为煮㶶菜同埋太咸，令众人大跌眼镜，最后由张曦雯膺“终极美女厨神”。