庄思敏人愈大愈唔惊睇鬼片：因为我冇做亏心事！
撰文： 冼燕珊
出版：更新：
庄思敏（Jacquelin）今日出席台湾惊栗电影《红衣小女孩外传：人面鱼》首映礼，并担任主持，在台上大赞电影导演庄绚维年轻有为，唔知导演系咪Jacquelin杯茶呢？
之前森美在电台开咪教男仔点追女仔，其中一招就系带佢去睇恐怖片，问到Jacquelin有冇追求者约过佢去睇惊栗片，佢就话自己喺感情方面比较迟钝，“唔会特别谂佢系咪追求者，因为同异性行街睇戏食饭都好平常。”不过Jacquelin不讳言同异性去睇恐怖片，容易因为太惊而多啲身体接触。
Jacquelin指以前好钟意睇惊栗片，不过睇完独处时好易疑神疑鬼，“所以有几年停咗睇恐怖片，但近年都开始睇返，因为人大咗，心态唔同咗，‘平生不做亏心事，半夜敲门心不惊’嘛！”