【杀手】龚嘉欣做打女再受伤　脚伤不停渗血缝三针

TVB重头剧《杀手》最近拍摄得如火如荼，由于剧集属于动作类，剧中演员都有不少打斗场面。为了拍摄效果更真实，饰演职业杀手的龚嘉欣都亲身上阵，但就搞到周身伤，嘉欣今日（30日）在IG post了一张黑白相，留言表示：“又伤了！但仍要撑住！今晚继续！难不倒我！”网民纷纷留言为她打气，还叫她要保重，好好照顾自己。

对于今次受伤，嘉欣接受《香港01》访问时就表示：“寻日拍摄打斗场面，唔小心，踢飞脚踢左落把枪度，因为系着短裤，所以鎅开左啲肉，𠮶阵有消毒，不过止唔到血，不停换胶布伤口都系渗血，收工之后去咗医院，缝咗三针。”其实嘉欣已经不是第一次受伤，坚持不用替身的她，亲身上阵拍摄高难度动作镜头：“其实每次都有试咗好多次位，不过拍打斗一定会有意外，呢套剧我所有动作都系自己做，一次替身都冇用过，加上我嘅戏服全部都系 bra top 短裤，所以系完全垫唔到任何pad保护，周身损伤系一定。”

其实嘉欣之前都受过伤，上个月她就在IG自爆拍打戏搞到手指断筋，直至宜家都未康复：“上次就系真嘅木棍扑落只手度，𠮶刻系好痛嘅，但系我都完成晒全日嘅拍摄到通宵，第二日先睇医生。其实手指仲未好返，依家系变咗形，同埋瘀黑，虽然已经系一个几月之前整亲，不过掂到只手指都仲系痛。”

虽然接拍呢套剧搞到周身伤，但嘉欣毫无怨言，更感谢拍档的帮忙：“当初接得呢个角色，都预咗，已经好好冇咩大嘅伤。虽然系辛苦，但系睇返啲片真系觉得好值得，因为我从来冇谂过自己会做一个打女，每次睇佢哋示范，然后叫我做𠮶个动作，我系唔觉得自己做到嘅，但系最后都做到，成队crew都会拍掌鼓励我，监制都成日比信心我，仲要祥哥，阿Mo每次拍打都好照顾我，又会教我，所以我赚晒㗎啦，少少伤顶得住。”相当敬业！

嘉欣透露《杀手》将于12月尾煞科，对于会否再接拍打戏，她就表示：“冇谂咁多啊，净系想顺利完成埋剩返嘅打戏，但拍完呢套都会好好睇返好身体。我身边啲人担心过我，我知佢哋好心痛，所以自己都会小心啲唔好再受伤，如果监制觉得我适合嘅，我都唔介意再拍。”

希望嘉欣早日康复，继续post多D靓相啦！