Jessica C. 生完第二胎依然劲索 分享瘦身秘诀：好有用

生完第二胎的Jessica C. 减少工作，专心凑一对仔女。今日佢难得带同爱犬出席活动，虽然已经系两个小朋友嘅妈咪，但Jessica C. 身材依然火辣，轻松驾驭紧身短裙。

“我唔只系两个小朋友嘅妈咪，我仲养咗3只猫同1只狗仔，我觉得生完第二胎瘦得仲快，平时都系跑步同做瑜珈，都系简单运动，我唔想太攰，因为要留力照顾小朋友。”Jessica C. 说，好多妈妈生完BB之后很难修身，她说要保持乐观，接纳自己的身体需要时间瘦下来，好好享受做妈妈的角色。

除了简单运动，同好多星妈一样，Jessica C. 都有用古法扎肚嚟瘦身，佢仲大赞有用：“我条腰瘦咗两吋，做咗十次疗程，每次用草药按摩个半钟，然后扎8-10个钟。”Jessica C. 亦大赞老公安志杰（Andy) 系神队友，“尤其系夜晚我瞓咗觉，Andy会讲故事畀阿女听，所以依家个女痴爸爸多啲。”