【亚洲小姐】去韩国只影散Shot好缩皮？　颜子菲：我当年去中山咋

有些东西，值得等的话，等一生都肯，而颜子菲亦终于等到了。昨日（29/11），在2008年夺亚洲小姐亚军的颜子菲终于获亚视安排，在简单而隆重的仪式中补领亚姐后冠，与2011年冠军冯雪冰一起完成多年来的心愿，至于2018亚洲小姐竞选香港赛区冠军梁雪瑶、亚军张右雨和季军林孜沫亦有同场见证。

后冠同港姐争太远？　“冇得比”

“等咗10年喇，人生有几多个10年？”颜子菲接受《香港01》访问时坦言获颁后冠意义重大，因为入行之后，家人都非常担心她的前程，最紧张她收入是否稳定，现在终于可以有“实质嘢”让他们睇睇。

其实颜子菲获颁的后冠是福泰珠宝赞助，由水晶所制约值5位数字，与港姐近年颁发、有880粒钻石值400多万的后冠有一段距离，“同港姐嘅冇得比啦，最紧要系有纪念价值，如果我真系恨钻石，我之后努力揾钱买畀自己都得，唔使等人哋送畀我。（等咗10年觉得好耐？）又唔系嘅，只系觉得时间过得好快，参选亚姐原来已经系10年前嘅事。”

会将后冠传给未来女儿

问之前是否已经打定输数，觉得自己已经没有机会拎返后冠？颜子菲笑指自己10年来都没有特别想过这个问题：“而家几好吖，好有惊喜，如果第时系生女，等佢大咗、嫁人，个后冠就可以系家传之宝咁送畀佢。其实今次可以补颁个后冠畀我，都系因为之前我帮今届亚姐宣传时，大会主动向我提出呢样嘢。”

今届去韩国只拍花絮缩皮？　“我当年去中山咋”

提到亚视复活后举行的亚姐比起以往的声势弱，问作为师姐会否感到唏嘘，颜子菲说：“我觉得班佳丽会唔开心过我，10年前我参选几乎隔日就见到记者，我明白而家嘅环境畀过去唔同，我唔知资金有几多啦，但都可以利用一下网络力量去做啲嘢，当然，我都冇咩资格去教人。”

今届亚姐的确搞得颇为“缩皮”，一班决赛候选佳丽原定到韩国接受集训，但疑似因为资金问题，临时改为到韩国拍“散Shot”、“花絮”。对此，颜子菲笑说：“有得去韩国咪好啰，我𠮶年去中山咋！不过，10年前同20年前比都好唔同，个时势都唔同咗，ATV个Brand又唔同咗，所以望就望佢做得返好。”