【是咁的，法官阁下】面对男儿泪点算？麦明诗心软：试过分唔到手

麦明诗（Louisa）、黄子恒，以及一众剧中演员昨日（28日）在中环街头为剧集宣传，快到大结局，剧中Louisa和子恒的关系还没甚么大进展，令一众网民不禁为两人著急。

Louisa指剧中Helen主动揽住赖律师已经是好大的进展：“其实我睇返我都觉得，点解我咁主动嘅？我谂紧如果佢拒绝我咁我点啊？”她直言自己拍拖时虽然不会主动揽住对方，但却会敢于“试水温”：“如果佢又无好大反应咁我会退一退，如果佢又试下我，我又会试返佢！”子恒称相比起轰轰烈烈的爱情，自己比较喜欢平淡写实的浪漫，而且自己面对爱情会比较被动：“我好惊会表错情，我要真系确实到你系有啲嘢先会再进一步，如果唔系就无㗎啦。”

子恒说如果男人在对方面前哭是很大的提示：“始终男仔呢一面尽量都唔会畀人睇到，但如果畀你睇到，都系一个signal嚟。”Louisa自爆试过因恋爱对象流泪令她心软：“佢喺我面前表露软弱嘅一面，系因为好钟意我，我会好感动。一个男人肯为你喊，你就会再重新考虑多次，所以有时候都试过因为咁分唔到手。”