【专访】入行12年留守无线等机会 许文轩：起码开到个人节目先走
梦想与现实到底有多大的差距？从娱乐新闻记者到节目主持，许文轩（Edmond）一直默默耕耘至今，已经踏入第十二个年头。但其实Edmond早在大学时期，已参加《全球华人新秀歌唱大赛（悉尼区选拔赛）》，并成功赢得冠军和“最佳台风奖”两个奖项，更与红遍内地的陈伟霆一起参加《全球华人新秀歌唱大赛总决赛》。但为何Edmond最后没有当成歌手，反而做了娱乐主播呢？
无心插柳赢奖 回港遇上花姐与陈伟霆
“我由头到尾都唔觉得自己唱歌好听！𠮶阵有朋友叫我试吓，之后就连过几关，最后赢咗，攞埋个台风奖，真系搲爆头。”Edmond笑言自己在澳大利亚悉尼科技大学修读室内设计期间，偶然际遇下，再加上老土剧情，最后参加了《全球华人新秀歌唱大赛（悉尼区选拔赛）》并赢得冠军。
讲起当年的比赛，Edmond仍记忆犹新，他笑称：“赢咗之后，隔咗一个月就返嚟香港参加全球总决赛（2003年）。当时花姐系总决赛嘅导演，当时都会闹吓人，话你哋班友都唔系比赛，𠮶阵真系唔觉得系比赛，大家都玩得好埋。（陈伟霆都喺度？）系呀，佢𠮶时跳舞已经好叻，我同其他人喺排舞室系等睇佢表演。我哋仲估计佢会入三甲，仲心谂个跳舞奖系咪为佢而设，但最尾佢都输咗，攞唔到，所以呢个比赛系冇黑幕。”当年冠军是来自三藩市的唐雅明，而Edmond则获得殿军。
比赛后收卡片 家中突传噩耗即返澳大利亚
除了称陈伟霆当时已经很亮眼，Edmond还大爆当年歌唱比赛的趣事：“比赛𠮶阵好搞笑，好多唱片公司坐喺台下拣人，会有好多卡片飞埋嚟。监制都会介绍啲经理人畀我哋识，会收卡片之后再约。（当时算唔算收得多卡片？）都有啲卡片㗎。”正常Edmond在考虑与经理人洽谈时，家里突然传出噩耗，Edmond感触地说：“咁比赛完，我哋去庆功嘅时后，我就收到屋企人电话。佢哋同我讲Daddy有病，因为惊影响我比赛所以一直都冇话我听，系癌症。𠮶阵都唔系好识反应，因为都冇遇过呢啲事。但第二日我就要飞返澳大利亚，Daddy叫我返去读书先，因为要准备化疗。读多一、两个月就放暑假，就一路陪住屋企人。所以，当时都停咗冇再谂唱唔唱歌，都冇时间谂。”
无悔继续读书 Edmond：签咗都唔代表你得！
在暑假期间，Edmond再次返到香港并抽时间与经理人见面。当时的经理人提议Edmond放弃学业，回港准备训练及出道。但家人希望Edmond先完成学业后再考虑，Edmond最后亦选择尊重家人的想法，继续升学。被问到会否后悔这个决定时，Edmond仍坚持说道：“从来都冇，要我再行多次都会读书先。同埋你签咗都唔代表你得，大把人唔得啦。”其后，在学期间，Edmond亦先后在澳大利亚中文广播电台及网上电台节目主持。
重提横店“打人”事件 多谢网友还自己清白
毕业以后，适逢TVB娱乐新闻台公开招募主播，Edmond就胆粗粗去面试并成功在一千名应征者中脱颖而出。但入行不久，在一次被派往横店追访谢霆锋及张栢芝复合消息期间，Edmond被有线娱乐新闻台一名女导演声称被TVB娱乐新闻台的摄影师及主持许文轩推倒受伤，有线的导演回港后指控该台，并到医院验伤。最后，从网上片段得知女导演所言失实，还Edmond清白。问及此事，Edmond笑言：“𠮶阵仲喺横店，冇啦啦公司打嚟话我打人，完全唔知发生咩事。我咪问几时打人？边日？因为完全都冇公安揾过我，但公司都要了解返咩事，我都照直讲真系冇，总之都多谢网友还清白。”
认留在大台机会多：有嘢做唔系应该开心咩？
虽然做娱乐主播压力大，还不时要出埠探访艺人，但Edmond一做便是12年。不少娱乐主播辞职又转行，但Edmond就一直认为留在公司发展机会大：“虽然有谂过放弃，但我觉得TVB发展机会大，可能差啲运气。做主持或者音乐上，成功感都大。（屋企人都支持？）支持，虽然有时啲亲戚会问我‘乜你仲喺度做呀？’我心谂仲喺度做有咩问题，我冇嘢做先至有问题，有嘢做唔系应该开心咩？不过我都好感激屋企人，因为就算我唔系俾好多钱屋企，都冇出过声，一直都好支持我想做嘅嘢。”
曾筹备个人节目 胎死腹中感可惜
除了做娱乐主播，Edmond亦希望有朝一日拥有一个属于自己节目，他称：“我都有谂过开啲音乐节目，都试过度晒成嚿古仔（报道）要点做，准备开，但最后中间胎死腹中，会怀疑自己冇运。（咩类型节目？）入行4、5年已经想搞，想做以前歌手，叫《好久不见》。当时嘉宾都约晒，仲揾得好辛苦，好似黄翊当年根本冇出过嚟，就直接打去佢间铺，点知又真系畀我揾到佢，仲应承话拍，我连每个镜头都send埋俾佢睇，但最后都好可惜拍唔到。”
金像奖红地毯 杨千嬅叫加油
虽然如此，但Edmond亦未曾这个梦想更笑言：“会坚持，起码要开到节目先走。”而令Edmond一直坚持的另一原因，就是一班艺人前辈对自己的照顾，他称：“关心妍都叫过我唔好放弃，最近采访《多功能老婆》黄浩然突然间讲话千嬅成日都播你啲片，心谂我啲片？黄浩然就话佢开剧成日会播我啲片，千嬅都知我唱歌，其实佢好早之前知道我想参加《星梦传奇2》，但最后冇开到，但佢𠮶阵知我有参加，竟然喺金像奖红地毯叫我加油。”
场地提供：小喇咩