【万千星辉】黎诺懿被袁伟豪夺星马视帝吓窒　自觉属陪跑分子

黎诺懿凭《BB来了》角色获提名《万千星辉颁奖典礼2018》竞逐“最佳男主角”奖项，诺懿笑指原本对自己都好有信心：“如果未选新加坡同马来西亚嘅视帝视后呢，我都尚存一丝希望，估唔到袁伟豪咁犀利连攞两个奖，我真系惊佢香港都攞埋，所以今年我都系坐下、睇下同参与下，因为自己都有一段时间冇参与过颁奖典礼。”

《BB来了》播出后深受观众喜爱，全因剧情非常“贴地”，所以诺懿虽然自觉无缘争奖，也为自己拉一拉票，“虽然见到袁伟豪个势咁劲都怯一怯，但如果大家有多余嘅票或者钟意《BB来了》嘅朋友记得投我哋，毕竟《BB来了》都好似好多人睇，希望大家仲记得《BB来了》。”

提到马神马德钟在访问中指自己希望有零的突破，入行16年的诺懿也同样希望有零的突破：“我年年做访问都话想攞奖，今年攞到奖固然之好，但攞唔到咪等到下年啰，我应该都仲系到嘅，我仲未走住，攞唔到咪继续努力啰，平常心。”