唐诗咏错手话李佳芯“Ho Leung”　细数娱圈5位用错字艺人

撰文： 董欣琪
出版：更新：

艺人不时都会在社交网站post相同粉丝互动，不过有时有对“摩打手”，打字打得快，又准唔准呢？过往曾经有唔少艺人因为讲错英文或者打错字，而引发出各种唔同嘅笑话。虽然好多时都只系无心之失，但今次唐诗咏似乎就手快累事喇！

《万千星辉贺台庆》日前圆满落幕，一众小生花旦盛装打扮出席，有人行性感路线搏出位，亦都有人仙气逼人。李佳芯（Ali）今日（21号）凌晨就在IG上载咗两张自己出席台庆嘅靓相，一身白色Tube dress上阵嘅佢高贵得嚟又有气质，获网民大赞：“仙女下凡 好美”、“知性美”、“Ali女神很美，特别有仙气feel”，而好姊妹唐诗咏都有留言：“Ho Leung”，咪住先，究竟系Ho Leng（好靓）定Ho Leung（好娘）呀？虽然只系一字之差，但就分分钟赞人变咗笑人呀。

李佳芯post仙气战衣相，唐诗咏手快留言Ho Leung。(IG图片)
Ali呢个look真系无得输呀，网友纷纷留言大赞。(IG图片)

吴业坤“吃好西”

讲到打错字，相信网民最熟悉嘅都系吴业坤将“吃好东西”写成“吃好西”，经过网民发扬光大之后，就在facebook洗晒板，成为网络潮语。继“食好西”后，坤哥似乎做埋错字代言人，将“两只wifi蛋”打错成“两只wife”，“泊车好平”变成“泊车女平”，仲有“好想约人食饭”变咗“好想钓人食饭”等等。

吴业坤错完又错。(微博图片)

连诗雅罚抄1000次“Piece”

读国际学校嘅连诗雅（Shiga），自细讲得一口流利英语，不过正所谓人总会犯错，Shiga曾经将“Rest In Peace”打错咗做“Rest In Piece”，大家真系睇到O晒嘴！咁都未算，Shiga之后又将《One Piece》变咗“One Peace”，再一次将“Piece”同“Peace”调乱，为咗表示唔再犯错嘅决心，佢更在Facebook直播自己罚抄1000次“Piece”。

连诗雅一而再再而三将“Piece”同“Peace”搞错。(IG图片)

邓紫棋去杜丽莎夫人蜡像馆揭幕

邓紫棋（G.E.M.）在内地捞到风生水起，更曾获杜莎夫人蜡像馆邀请，制作蜡像，在蜡像揭幕之日，G.E.M.将同蜡像嘅合照放上facebook，但地点就打错成“香港杜丽莎夫人蜡像馆”。发文一出，就被网友Cap图耻笑。

阿G.E.M.下次要check清楚，唔好去错地方呀。(微博图片)

邓丽欣讲多谢

做艺人出席活动有时都会用英文回答记者问题，当年邓丽欣（Stephy）出席活动时，爆咗句“I am very thanks them.”，搞到企喺Stephy身边嘅侧田听到都忍唔住偷笑。

如何有礼貌地讲多谢？(微博图片)

田蕊妮“Nice to meeting you? ”

田蕊妮在主持嘅节目《女人四十》中同大家探讨女士们热切关注嘅问题，讲讲下仲会穿插几句英文，而在第一集中，阿田参加speed dating时，面对电竞公司创办人Derek嘅“Nice meeting you”，阿田竟然答：“Nice to meeting you”，完全错晒！初次同人见面客套D讲句“很高兴认识你”是常识，你可以讲“Nice to meet you”又或者“Nice meeting you”，但好似阿田咁讲就错喇。

很高兴见到你英文系Nice meeting you呀。(微博图片)

其实诗咏今次应该只系一时手快快打错字，相信Ali都唔会嬲猪嘅，但大家以后留言真系要睇清楚先好呀！