谢霆锋对港式风味有独特执著　部分灵感来自妈妈拉姑

谢霆锋自从爱上烹饪后，每次喺厨房有新搞作都会成为网友热话。早前佢同快餐店合作推出煎蛋肉酱饱，食客纷纷去挑战点先唔使食到周围都系。港式味道又点止一款，霆锋设计嘅另一款“锋味洋葱吉列猪扒饱”亦都正式登场啦。

拍摄广告当日放饭时，霆锋就拣咗盒洋葱猪扒饭，问他点解拣呢款，他就话：“其实猪扒每个地方都有，但香港嘅猪扒好唔同。呢个系好香港、我好细个时候嘅一个饭，系我阿妈好钟意食嘅一个猪扒，不过以前啲猪扒可能再会多啲洋葱丝喺上面。”

之后佢一边食住饭盒一边同大家解构呢个“猪扒饱”：“我哋做咗一个真系破天荒嘅尝试，从来未试过，就系做洋葱猪扒饱，但系个猪扒系吉列猪扒，同埋洋葱系炸过，crispy onion再加一块啱啱融紧嘅芝士落个饱，饱上面仲有啲cornmeal，系好好食嘅一个饱。”