【专访】王祖蓝一样会偷食？ “我乜都有点解仲系唔满足”
当男人讲男人遇上诱惑时，到底系会搬出一堆借口，抑或有𠮶句讲𠮶句？王祖蓝选择了后者，话完“男人就系咁”再补多句“狩猎心态”，道出了女士们的感慨……
身为王太嘅李亚男是否需要担心？又应该唔使，因为王祖蓝有一个非常强劲嘅天然金刚箍，绑住了他的骄傲与风流……
舞台剧《唯独祢是王II》讲述大卫统一江山后，身为一国之君却犯下极严重的奸淫与杀人罪。再次饰演大卫并且升格为王，问到王祖蓝望透过这次的舞台剧传递什么讯息，他说：“一个好天真的小朋友，当进入社会、做皇帝之后，点都会变。同埋，点解当佢拥有一切时仲会觉得唔够？人似乎就系咁，亦都特别提醒自己，今时今日我乜都有，点解仲系唔满足？”近年在内地赚到盘满钵满嘅王祖蓝，有车有楼兼有个华姐冠军靓老婆，既感恩又无憾，他甚至认为“可以随时返天家”，不过想到囡囡下月出世，他又改口：“可能做爸爸后又未必舍得走。”把兴趣变为职业、得到认同又能创造工作机会予他人，王祖蓝自觉幸福。
好先生最易“出事”
大卫虽然是一国之君，毕竟也是男人，面对诱惑，沦陷也是意料中事吧？王祖蓝虽然唔高大靓仔，但也是男人，再加上他的娱乐事业，有女人埋身并不意外吧？更何况国内女子积极进取……但他说每次外出唔系同老婆就系同工作人员（又可称为老婆线眼），所以女人埋身机会极微。“应该系话你先唔好容许自己有呢个机会，松半步就会松一步，松一步就会松两步，话就话系试探，其实系唔好去面对。同埋照下镜都知啦，贪你靓仔咩！男人喺𠮶啲位会认为对方系欣赏自己才华、处事能力，我唔会咁谂。”王祖蓝说时语气颇为肯定，随后再以婚姻书籍《当好男人遇见性试探》举例，“好多时死嘅男人都系大家心目中嘅好先生，而呢类男人可能系有领导能力、受身边嘅人欢迎、有幽默感……几个特点都中我。”说毕连他自己也忍不住笑出声。“所以我有乜都会同老婆讲，因为一收埋就有机会成长，而见光就会死。”
曾经都系兵
咁到底遇过哪一种诱惑呢？王祖蓝说是“咸片”，并指现今科技发达，要睇好容易，再来就是女人。“有女仔揾我倾心事，我会同对方讲明所有内容都会畀老婆知，甚至系叫埋老婆一齐出嚟倾，唔好有单独相处的机会。好多人都死喺‘朋友啫，无嘢嘅’之上。”王祖蓝笑言自己外表没有攻击性，所以女人缘特别旺盛，但他也自知只能是众多女人的水泡，不过这都已经是历史了。“毒男系好清楚只能够做观音兵，但观音兵变正印机会系好渺茫。”可曾做过兵？他说当然有过为拍拖而拍拖的阶段，并“庆幸”自己唔系高大靓仔，否则死得人多，原来唔靓仔也可以是个优点，“我会视为金刚箍，绑住咗骄傲同风流，试问有钱又靓仔嘅，有几难唔花弗？”
男人就系咁
谈到早前有内地女星，因患上子宫颈癌加上有钱老公外遇，心灰意冷留下千字遗书指“嫁给垃圾”后选择跳楼自杀。与对方素未谋面的王祖蓝言谈间变得十分感慨︰“佢遗书写嘅男人就咁，外面更差嘅你都会同佢上床，因为你未上过，更难食都会食，因为未食过，男人就系咁！娶到华姐冠军都可以唔满足，因为未试过嘛，狩猎心态同埋攞奖牌咁……”男人讲男人，道出了女人心声与无限感概，绝世好男人／老公是否纯属虚构？“我同老婆讲唔可以放心我，好多时女仔俾人呃就系因为太放心，只要佢信我，就可以由信任开始放肆，同时亦多咗空间去鬼混。拍部戏锡完留电话有几难？随时就可以，所以点解要老婆看住自己。”夫妇相处之道最重要是坦诚，相个王生王太在这项目上绝对做到满分。“试过有朋友喊晒打嚟，咪听下同鼓励佢，亦有听过明知道自己唔啱但说服自己系啱。”王太这天虽然未有参与访问，但访问结束后，王生在工作人员陪同下走到停车场，车门一开，腹大便便的李亚男原来已在车厢中……
王祖蓝内地捞埋电影综艺 带挈香港CREW揾人仔：好想创造机会
场地：香港九龙贝尔特酒店
发型：Ted Yeung@i i Alchemy hair & nail
化妆：K.T Tsui
Styling：Dicky Lee
服装：Bettie Bespoke
睇睇当王生遇上王太时，到底可以有几甜