阿娇钟欣潼自嘲对布置圣诞树无天分　参与《爸妈学前班》获益良多

钟欣潼（阿娇）今日（17日）出席圣诞节揭幕仪式，阿娇以黑色冷衫衬Alice+Olivia彩虹珠片裙亮相活动，现场还有“My Melody”人形公仔，如童话世界一般。其实阿娇本人都好钟意公仔，不过现在有鼻敏感，所以要尽量避免，连猫猫狗狗都只可以送去妈咪家中。

活动上，阿娇还同粉丝现场布置圣诞树，不过她自嘲不擅长做这些：“其实呢，我喺布置方面就冇乜天分嘅，都唔系布置得好靓，成日觉得人哋𠮶啲圣诞树点解咁靓呢，上年圣诞节系跟Michael一齐过，咁本来谂住一齐布置圣诞树嘅，咁但系最终都系佢叫咗一个朋友准备啦，咁𠮶颗圣诞树仲摆咗喺屋企，嗌咗佢去处理，但呢颗树应该可以用返嘅，如果我哋有时间嘅会尝试去布置啰。”

除了和粉丝互动之外，阿娇还大开金口，献唱《下一站天后》，令在场粉丝尖叫不已，人气相当高。

阿娇同老公赖弘国（Michael）早前一齐拍摄的内地真人骚节目《爸妈学前班》正在热播，阿娇表示透过节目也获益良多：“学到好多嘢，成个人心境开朗咗啦，同埋个心态变咗啰。咁我觉得结婚系人生另外一个开始啦，都系互相学习啦。（加强咗做父母嘅信心？）其实我都好钟意小朋友嘅，咁会学习啰，我去呢个show，佢嘅主旨系（教你）点样凑小朋友呀嘛，我觉得好有意义，所以先参加。有冇信心…我觉得每一个父母都向学习中嘅。”而不少网友在看节目时都大赞阿娇温柔体贴，相信未来她一定是一位廿四孝妈咪。

下个月20号就是阿娇同Michael举行婚礼的大日子，她透露已经准备得七七八八，问到婚后的第一个圣诞节会不会好特别，阿娇则说：“喺我心目中，又冇分系第几个嘅，咁都系一齐过啦，觉得开心就得喇。”至于圣诞礼物，阿娇就尚未准备，不过可以同最爱的人一齐过，相信已经好幸福。