【过街英雄】麻甩江嘉敏演色诱高手　揾男友做练习对象

江嘉敏（Kaman）今晚（14日）今晚在油麻地出席电视剧《过街英雄》的煞科宴。Kaman接受《香港01》访问时坦言拍摄非常轻松，因为动作场面主要不是由她负责，而令她最头痛的，是要在戏中色诱男生：“我要扮好娇嗲嘅声音，对我嚟讲其实已经好难，因为本身我性格系爽朗，男仔头同麻甩少少，所以你叫我斯文同温柔都几考验我。”

Kaman指自己为演好诱惑男生的场面，不断地在家中练习，但开工时却常被剧组、导演取笑：“我每一次做完之后Cut机佢哋就爆笑，系咁讲从来未见过男人扮女人，可想而知我呢个粗鲁形象已经深入民心。”她又指自己跟男朋友对话时都坚持用娇嗲声线：“我有问过佢系咪男仔都钟意温柔同嗲嘅女仔，佢话系人都钟意，但佢话自己钟意爽朗嘅，都唔知佢系咪安慰我。”

提到好姐妹刘颖旋（Tiffany）的“车震”事件，Kaman直言有睇到新闻：“其实今朝有同事同我讲佢出事，我吓亲，以为发生乜大事，原来系呢单新闻，我都有发短讯慰问佢，咁佢话心情OK嘅，但始终我唔想问佢咁多，唔想佢影响心情。”她又觉得“车震”这字眼有点儿那个：“佢又唔系香港长大，唔好用咁衰嘅字眼，搞到佢喊啦，系咪衰呢，当佢知道用语点解其实作为女仔好伤心。”