【后生仔倾吓偈】麦明诗曾靠男友请食饭去旅行 “但系有代价”
撰文： 邝钰莹
出版：更新：
近期《后生仔倾吓偈》增添咗Miss Mak爱情教室呢个环节，内容离不开爱情同爱情，而爱情教室最新一课就系以“情侣间的尊卑”为题，一班后生仔公开讨论如何逆转情侣之间嘅地位。冯盈盈提到当初同男友宝宝拍拖时，由于对方已经系医生，而自己仲读紧书，所以无论系经济能力、人脉等都比不上男友。
不过最令FYY嬲嘅系成日被男友友人当系𡃁模，更因此激发佢去参选港姐。“十优状元嘅医生有好多，但港姐如今都系得50几个，我就系其中之一，加上十几万人投票，认受性好大。2016年我系全香港NO.1，到目前为止地位已无可动摇，我系唔会认输，我话唔系就唔系！”成件事系咪好励志？！
之后一班后生仔又提到收入会否是逆转的因素之一，认同呢个说法嘅麦明诗就话“但另一因素系女仔介唔介意 ”，并话自己都经历过“佢对我唔系几好，但我飞咗佢就唔可以每年去旅行”嘅阶段，但就强调“ 虽然我都好养得起自己，但当我读紧书时，无钱去旅行。佢成日请去旅行，请食饭，你会发觉自己有依赖性，而有啲女仔系会接受到呢种依赖性。我绝对唔系歧视物质舒适，但你会发觉代价系一定要承受可能系佢脾气、或者由佢主导。”
麦明诗仲话自己各方面都“好想被人征服”，但首先对象要有以下条件：劲有学识、有情趣同幽默感。“唔使靓仔，但要识哲学，识哲学嘅男仔真系好性感。”综合以上条件，原来喺麦明诗心中嘅就系黄子华……