电视浪人刘家聪耗70万割脑巨瘤　手术后一度半边身瘫痪

身高6呎2、今年40岁的刘家聪（前艺名刘子葱）在年初发现脑部生瘤，10日后即在浸会医院接受开脑手术，切除接近拳头大小、直径达6cm的肿瘤，其后他转到伊利沙伯医院接受30次电疗，现在病情已经好得七七八八，可以出席各大活动分享康复经历，亦有份在舞台剧中演出。谈到1月时发现肿瘤的经过，他接受《香港01》访问时便指自己一直不烟不酒，作息定时，生活非常健康：“其实我每日都会跑大帽山，但有一日，我发现我跨过啲石头时，我觉得心惊胆怯，我就知道我身体出现咗毛病，我以为系我做嘢太紧张、太攰。”得到太太谅解的他毅然离开有线娱乐新闻的工作岗位，经朋友劝吁后检查身体，才发现一切问题源于脑部生瘤，因为没有医疗、危疾保险，所以花了70多万积蓄去做手术。

“Quit咗有线之后、发现脑瘤之前，我去咗间中学帮班学生做生涯规划，分享做娱乐新闻嘅嘢，好多同学仔都有兴趣，好想做娱乐记者，有啲仲好劲，讲得出所有韩星嘅嘢。到我发现有事时，我就同医生讲，我唔可以有事，我一定要完成晒成个Course，而家先上咗两堂，我唔可以咁就走咗去。”当时医生给予他好大信心，但事实上脑部是人体最复杂的器官，手术绝对有一定危险，3个医生在一个手术室内，要10小时内完成所有程序，否则刘家聪便会“系咁先”，好在整个手术只用了7小时：“做手术前，我不断谂‘我唔可以死，我唔可以掉低我个女’。”

对于医生，最艰难的可能是手术本身，但对于刘家聪，复健阶段是最煎熬：“我知道做完手术之后，会讲唔到嘢、食唔到嘢，甚至断片，但情况比我想像更辛苦，因为我个瘤喺右边，所以手术后我左边全身都郁唔到，坐咗轮椅一段时间。”虽然如此，但他没有放弃自己，更积极令自己回复手术前的状态，不但逐步逐步重新学行，又叫旧同事供稿让他朗读练发音：“仲要做健身，因为如果唔郁，肌肉就会萎缩，慢慢我就由行到路变到行到山。”

康复过程中，刘家聪慢慢意识到正视脑肿瘤的重要性，讲到自己的发病原因，他坦言：“虽然我阿叔、姑姐都有Cancer，但我呢个病应该唔系因为咁，其实我呢个病一直都唔多资料，好容易俾人忽略，好可能一啲交通意外，都系因为司机个脑瘤发作，突然失去咗距离感造成。有好多病人都好似我咁，做人好积极，成日做运动保持自己健康，但每次有事发生都好紧张，可以少少唔如意就会好忟，太过热爱自己嘅工作，所以真系要分配好自己嘅时间，唔可以太Chur。”

刘家聪希望可以以生命影响生命，所以除了分享经历，亦参加了医疗辅助队：“经历呢个病之前，我会觉得就算唔得都要勉强自己得，一定要坚持住；但病完之后，我开始识得放慢脚步，欣赏、享受每一个过程，所有嘢都要按部就班同好准备，由内心出发，唔系好似以前咁，咩都夹硬加上去。”参加无线艺训班入行的他先后为无线、亚视和有线效力，参演过好多剧集，亦在儿童节目《至Net小人类》、《放学ICU》中亮相，绝对是陪着好多小朋友成长，讲到未来的演艺工作，他便希望以刚刚完成、以器官捐赠为题材的舞台剧为起点，重新出发。