陈晓华邓卓殷将为台庆献舞　Hera自爆难度大：我手脚唔协调

应届港姐冠军陈晓华（Hera）、亚军邓卓殷（Amber）以及友谊小姐陈静尧（Claudia）今日（8日）齐齐出席“欢乐满东华2018”开幕仪式。作为一年一度的大型筹款节目，难怪三位港姐也是忠实观众，Amber谓：“以前细细个都会睇《欢乐满东华》，因为系唯一一个做通宵嘅筹款节目，好特别，同埋里面都有好多唔同嘅表演可以欣赏。”

在现今社会，做善事的方法有很多种，而三位港姐也会身体力行，为社会出一分力，例如Hera在读大学的时候亦有加入义工群组：“读大学初期都有一直keep住做，但因为后来太忙就搁置咗，而家再返番嚟接触慈善嘅活动真系好开心。”而Amber则是趁大学暑假去到非洲帮人起公厕，还去柬埔寨帮手起学校。至于Claudia中学时就经常去老人院慰问长者，近年来就帮手清洁海滩。

Hera与Amber将于下个月的《欢乐满东华》慈善节目内表演，Amber透露现在已经开始训练：“其实今次我哋表演嘅节目都有小小难度嘅，我哋都好努力咁样去练习。”但两位对表演内容就暂时保密。
虽然Hera和Amber向观众大卖关子，不过大家可以在接下来的《万千星辉贺台庆》先睹为快，欣赏两位的舞蹈，Hera坦言对自己来讲好高难度：“因为我唔识跳舞，有小小手脚唔协调啦，我多数都系靠Amber嘅，因为佢系跳舞好叻嘅女仔啦，当时选港姐都问佢好多，佢真系好好啦。”Amber则笑言：“有啲似返当时选港姐嘅时候啦，大家一起学，由零开始，跟住再互相教下大家啦，好开心。”