《G杀》杨卓娜性感演出前有问准老公：太激嘅佢会唔畀我拍

拍电影剧出身的杨卓娜最近踩埋入电影界，演出了她的处女作电影《G杀》，呢部电影却被评级为三级片，首次拍电影就拍了一部三级片的她，在官方Trailer中有一幕性感镜头，引人遐想。卓娜今日出席活动时，被问到知否该电影是一部三级片时，她说：“拍𠮶时唔知㗎，净系知道系一部悬疑片。电影嘅评级系由电检处依据一啲准则去决定嘅。”

提到她於戏中的大胆性感演出，她表示：“其实我拍之前有同导演事先声明，裸露暴露嘅嘢都唔会做。我有问过导演𠮶幕系有需要拍嘅，可以交代到个剧情，并唔系刻意卖弄。至于剧情方面我就卖关子先，大家想知嘅话就买飞入场支持下啦。𠮶场戏系讲我嘅日常生活，喺度着紧件衫，最紧要拍嘅时候感觉舒服，出嚟嘅效果靓，今次唔算系我从影以嚟最性感嘅一次，之前演TVB嘅《全职没女》着三点式仲性感啦，𠮶次之后我有同啲PA讲话以后唔好揾我演呢啲镜头。”

卓娜坦言拍《G杀》呢场性感戏份事前有问准老公：“我有同佢讲话场戏系点嘅，我拍呢啲镜头之前都会问准佢，要尊重佢㗎嘛，如果太激嘅佢会唔畀我拍㗎。”至于将来再需要性感演出可会考虑，她说：“要睇剧本，最紧要打动到我，成件事系自然同舒服嘅，同埋事前沟通好。作为一个艺术表演者，唔会话局限自己嘅演出，但我又唔需要刻意去接呢类戏。平时自己出席隆重嘅event都会着啲性感晚装，好难讲个尺度去到边，咁当然会知道自己个底线啦，唔会露三点。”她又透露今次是该电影的监制找她演出：“系一种缘份，我都想支持新晋导演，支持呢个行业。”

一齐重温杨卓娜在《全职没女》的演出: