田蕊妮几廿岁讲梦想 ?　“梦想无分年龄”

田蕊妮（阿田）与曹永廉（阿廉）今日（7日）为新剧《她。她。她的少女时代》试造型，两人首次合演夫妻，但阿田指二人在剧中亲热戏欠奉：“我哋饰演一对结咗婚廿年嘅夫妻，唔会再讲甜言蜜语，似拍档多过似夫妻。”阿廉则说：“好多夫妻都系咁，热情慢慢会淡化。”

阿田大赞新剧剧本细腻，对自己也很有启发，“剧本系讲一班中年人，喺佢哋人生上面对好多危机，同埋社会对佢哋嘅标签，佢哋如何在呢种环境中重拾自信和梦想，继续去追梦，我以前会觉得梦想系留返畀后生仔啦，几廿岁讲咩梦想，但睇完剧本，改变咗我嘅谂法，梦想应该无分年龄，每个人都有资格去追梦。”

阿田近日再闯乐坛，出新唱片，她说做歌手系佢细细个嘅梦想，直到今时今日，她仍在追梦；而歌手出身的阿廉也说，他年轻时的梦想，是踏上红馆舞台唱歌，后来梦想成真，而这刻的梦想，则只是希望小朋友在各方面成功和平安。