【跳跃生命线】催泪彩蛋曝光　麦Sir：剑雄最后一刻都系救紧人

“雄姐”出任务时殉职，㖊晚𠮶集《跳跃生命线》播出“雄姐”丧礼，并交代佢每次救人之后都会放入一蚊去嘅盒仔获高职批准，继续放喺救护站饭堂，并由众人继续呢个“使命”，当时杰仔拎住个盒就话：“系由雄仔五个美貌与智慧并重嘅家姐送比我。”
 

㖊晚剧剧播出后，BigBigChannel上载了于电视中未有播出嘅片段!!!两分钟嘅片段由“雄姐”坠楼一幕开始，之后就佢五位家姐于救护局整理佢嘅遗物时哭成泪人，麦Sir对众人解释“一蚊盒仔”嘅来源时，家姐一句：“阿Deee而家都无得再储啦。”真系好伤感，而身为高级救护主任嘅王Sir转交市民的心意卡时就话：“雄姐救过嘅人又点止呢个份量。”而麦Sir亦都好可惜咁话：“失去一个咁优秀嘅 救护员系我哋损失，但我希望你哋知道，剑雄到最后一刻都系救紧人。”呢个彩蛋虽然只系短短几分钟，但就足以令人喊到收唔声。雄姐，落更啦。