乐基儿婚后一年宣布造人成功　初怀孕去玩徒手攀石吓窒网友

撰文： 洪晓璇
出版：更新：

去年8月乐基儿于加州再婚，同从事有机食品生意嘅男友Lan Chu拉埋天窗，刚刚先庆祝完结婚周年，呢日就传来喜讯，原来Galie已经成功怀孕，又一个猪年星B啦﹗

乐基儿同老公Lan刚结婚一个月。（乐基儿IG）

Galie去年再婚后，经常香港美国两边飞，每次受访被问及生育计划都表示顺其自然。有传媒最近影到佢放狗，发觉本身FIT爆嘅Galie先发觉佢已经见肚，佢接受传媒访问时Galie大方承认成功怀孕，预产期系明年4、5月。

依家Galie大约怀孕四个多月，开始有少少见肚。（乐基儿IG）

一向生活相当健康嘅Galie第一次做妈妈都相当兴奋，睇返佢嘅IG都有KEEP住分享生活点滴，朝早食蛋养胎，有时又去海边度假相当写意。9月1号有个POST系GaLIE去玩攀石墙，身上无安全带徒手向上爬，如果预产期系明年4、5月，计返时间佢攀石时已经有咗BB近2个月，谂返起真系好牙烟呀﹗

9月1号初怀孕嘅Galie仲走去攀石，谂返起真系好惊险。（影片截图）
+7