【美女厨房】G.E.M.邓紫棋再下厨　以“功夫菜”洗地狱厨神污名

9年前年仅18岁嘅G.E.M. 邓紫棋，上TVB节目《美女厨房》，一道“屎味鱼蛋”震惊宇宙，荣登地狱厨神第二位，方力申更将“G.E.M.”戏称为“Get Everyone Moving to the trash”（让每个人都走去垃圾桶）。虽然好有阴影，但G.E.M.从未放弃过煮嘢食，拍MV又煮，见好姐妹又煮，走上谢霆锋节目又一齐煮，睇落的确有板有眼咗好多，不过之前就试过炒炒下蛋搅到火警钟狂响。

所谓边度跌低就要边度爬起身，九年后佢终于再战新一辑《美女厨房》一众评判吃到食指大动，赢得今集“美女厨神”！她终于一雪前耻，踢走九年前“地狱厨神”的称号：“赢到比赛咁就梗系太开心啦﹗我九年前系地狱厨神第二位，即系包尾二名，所以今日我竟然赢咗，呢件事实在太不可思议。”

今次胜利全靠一味蕃茄炒蛋，G.E.M.原来真系花咗好多心机：“我喺屋企练咗好耐啦，因为其实我好钟意食，入厨第一道学嘅菜就系蕃茄炒蛋，日日喺屋企不停练习，试咗好多唔同版本，落糖落盐钻研个比例，净系落蕃茄定系落埋蕃茄酱，好多唔同版本。今次用呢味我第一道学嘅拿手功夫菜胜出，真系非常感动，返屋企一定要多谢爹地，因为系佢教我煮呢味𩠌。”