【3日2夜】刘颖旋呻土耳其旅程“好咸又重口味”：预咗辛苦！

过去3星期，《3日2夜》都是播放土耳其篇，昨晚（3/11）来到最后一集，回想整个旅程，刘颖旋接受《香港01》访问时直言很难忘：“成个Trip都好有趣和特别（Insteresting and Special），因为系我同江嘉敏第一次去土耳其，又系第三次一齐出trip做嘢，我哋可以去到平时去旅行未必识得去嘅地方。我哋发觉土耳其食嘢系好重口味，样样嘢都会好咸、好酸、好甜。除咗食之外，我哋都有得揸个Dirt Bike，好好玩，因为系我第一次揸。我觉得自己揸好自由，同埋可以睇到土耳其嘅靓景。”

妒忌刘颖旋年轻过自己　江：我真系咁讲㗎？

今集照旧带大家四围玩四围食，虽然少了一些福利画面，又同时减少了过去两集“烂gag”，却在节目尾声增加一些对话环节，让她俩说说彼此初相识时的经历，刘颖旋忆起，她们第一次的认识，是在电视城的化妆间：“我最深刻嘅印象系，我哋试完造型之后入厂，佢（江嘉敏）就同大家讲：‘我知吖（刘颖旋比她年轻）！’之后我就想讲，佢讲话第一次见到有女Artist后生过佢，所以佢唔钟意我。”在一旁的江嘉敏又笑著问：“我真系咁讲㗎？我真系唔记得，我只系记得第一印象就系你好高，𠮶时应该未知你后生过我，哈哈。”刘颖旋1997年出世，江嘉敏则是1994年出世，刘比江年轻3岁。这段友谊由“争执”开始，但之后两人就被安排一同前往英国拍摄新剧《兄弟》，更与江嘉敏变成了“同房密友”。

记得睇埋前两集内容：

【3日2夜】教刘颖旋摸柱要“塞入个窿”   江嘉敏追问“湿”系点解

【3日2夜】刘颖旋江嘉敏有艳遇    土耳其Shopping讲价遭“索吻”

出差多“意外”　化好妆才知拍摄被迫取消

出差总是旁人羡慕，却有苦自己知，刘颖旋表示一早预计得到：“拍呢个节目都预咗辛苦㗎啦，拍节目其实都唔会话叹世界，话去旅行始终都要做嘢嘅。我哋为咗拍热气球呢，我哋有一日系凌晨两点起身化妆，4点就去到个Location霸个靓位，因为好多人都会争位影。但系我哋去到化好晒妆Set好晒头准备影，佢就通知热气球升唔起，我哋成班Crew直头系：‘吓，唔系吖嘛？’之后惟有返酒店瞓多一阵影其他嘢，第二日就再接再励，又系凌晨两点起身化妆再去，好好彩𠮶次就畀我哋影到。”