马国明下年三剧在手　《降魔的》续集原班人马开拍

马国明昨日（2日）出席TVB《2019无线节目巡礼》，下年将会有三套剧有马明的演出，包括《白色强人》、《C9特工》以及《降魔的2.0》，他说自己很久没有试过一年有三套剧了：“其实我上年无乜戏出过街，我上年都系出咗套《深宫计》啫。《白色强人》同埋《C9特工》上年拍咗㗎啦，只系一路无出街，咁就变咗出年会多少少。”

去年夺得“最佳剧集”的《降魔的》大受欢迎，在节目巡礼上公布了即将开拍《降魔的2.0》的消息，令人非常兴奋！身为《降魔的》男主角的马明透露：“主要都系原班人马，当然都会有啲新嘅角色加入啦！我觉得最好就系起码无换到幕后𠮶班人啦，监制同编审都系一样，所以对故事嘅发展会好啲。其次系拍第一辑嘅时候佢哋已经觉得有几会拍第二辑，唔会好似完咗个故仔再夹硬写个新故仔出嚟咁，我觉得呢个会好啲嘅。”他表示自己已经收到剧本，但还未正式看过剧本，所以自己暂时对整个《降魔的2.0》的故事情节还是一无所知：“我而家仲拍紧《飞虎》，要完咗先至拍《降魔的2.0》，但系我对监制同编审好有信心。”