大只仔郭浩皇北上拍打戏周身伤　医肚要靠网购

艺人郭浩皇（Alex）日前返到内地拍摄电影《潜战》，身为男主角的他透露这次打戏非常多，搞到成身伤嘅佢更笑言拍完后发现自己的体能有好大嘅进步空间。Alex自小在加拿大生活，是名副其实的“竹升仔”，所以对于整部戏都要讲国语对白，令他感到难度相当大：“因为系现场收音，所以每句对白都要好字正腔圆，但有时情绪激动起上嚟难免啲音会歪咗少少，搞到NG。不过，大部分时间大家都做得好好。”

Alex更大赞导演相当心用心，他称：“呢部戏嘅导演本身亦都系一个好有天份嘅插画师，所以佢系剧本里面加插咗500几幅插画，系一个好好嘅storyboard，令到演员演嘅每一场戏都大概知道佢想要嘅走位，我都系第一次见到有500几几幅插画嘅剧本。”

大陆网站淘宝出名由家品电器到衣物，统统有得卖。Alex笑言今次拍戏亦见证到它的威力，他笑言：“今次拍摄嘅酒店方圆百里都冇咩嘢买，周围都比较荒废，所以我哋每朝都会喺网站买零食同买宵夜，就连我哋有破损咗嘅戏服，都可以即刻订，第二日就即刻送到，真系超级方便！”