隋棠唔畀仔女过万圣节　背后原因吸八万赞好认同

啱啱过去嘅万圣节，系唔少人攞正牌扮鬼扮马嘅日子，就算大人唔敢画花块面，都会帮仔女悉心打扮出街玩trick or Treat拎糖果。见到唔少星二代造型都相当出位，但育有1子1女嘅隋棠呢日就喺IG留言，道出唔特意同仔女过万圣节嘅原因，引起大批网友共鸣，短短17小时已经近80000个LIKES。

隋棠同老公Tony结婚后，育有一对仔女Max与Lucy，依家陀住第三胎，本以为佢系因为避免操劳而无同仔女安排万圣节活动，点知原来系有更深层意义：“今年还没有带孩子们参与万圣节活动，因为目前为止都还没有跟他们正式介绍过鬼、幽灵、僵尸、死亡等，因为担心他们有阴影。”

一向乐观开朗嘅隋棠难得忧心，亦让佢自己忍不住自嘲“这样会想太多吗”、“妈妈的一万个烦恼”。养儿100岁长忧99嘅又点止隋棠一个，大批同佢有一样想法嘅父母纷纷留言表示认同：“儿子之前跟我们一起玩密室逃脱（看到假手那害怕的表情与反应）我到现在忘不了，花了一些时间才又让他从新不害怕。”