【跳跃生命线】女神俾阿婆闹死女包　陈滢：细个为咗玩唔返屋企

“有时你最亲密的人，先最难开口，去讲你几爱佢”陈滢想表白的不是男友（她自称单身、冇人追），亦不是讲紧闰蜜刘佩玥、蔡思贝，而是由细凑大她的婆婆，拍摄《跳跃生命线》的那一年，她知道婆婆有肾病，她想婆婆接受治疗，但婆婆旳想法不同，令她感到很失落，她说：“后生嘅人就系想身边嘅人留得几耐就几耐，因为唔想自己唔开心，呢个就系自私，只顾自己感受，我唔想妳离开令我唔开心...”剧中她与罗兰姐亦是相依为命，罗兰姐亦身怀重病，陈滢拍毕此剧终明白婆婆的心意，“我好想佢睇到呢套剧，等佢知道我想同佢讲嘅说话。”

陈滢自言在以前也经历反叛期，令婆非常担心，“其实做孙好容易发老人家脾气，‘得啦，好烦呀！妳’，完全唔会有hard feeling，因为觉得妳真系烦，话妳系应该嘅，但其实老人家听到系会痛。”陈滢最记得在中学时代，有一次令婆婆最担心，“以前读书𠮶阵婆婆觉得女仔返完学就应该返屋企，但女仔大个咗就想出去玩架啦，试过放学冇返屋企同朋友出去玩，玩到夜晚７点几先返，佢就不断打俾我，几分钟就打一次嚟，我都系冇听，因为我惊呀，我知佢想我返屋企，但我就系想出去，我觉得自己生活重要啲，所以冇理佢，当我返到屋企嘅时候，我就发现佢坐咗喺厅到，揸住把菜刀，一见到我就闹‘妳个死女包，做乜唔听电话，去咗边呀？’一路系咁追住我，佢真系好嬲，佢觉得妳听个电话都好啦。”

拍完《跳跃生命线》，陈滢透过剧中罗兰的角色，找到和婆婆相处的答案，“老人家会有好多担心，佢会惊我一个人住惯唔惯？冇乜汤水㖞，一年冇出剧㖞？妳系咪好唔掂呀？成日问我娱乐圈系咪好复杂，叫我唔好俾人呃，我会同佢讲‘阿婆我好醒目㗎！’；佢睇到报纸写乜就信㗎喇，就会有好多唔同嘅担心出现咗，我就同佢讲唔好相信啦，话明娱乐新闻妳睇完就算，佢就会反问“系咪㗎？’亦都因为婆婆呢个谂法，我就会谂原来啲人会相信报纸写乜㗎㖞，自己要再检点啲...佢知我忙，唔会成日揾我，但我教咗佢用facetime，佢一想见到我，就可以见到。”