【跳跃生命线】马德钟不求个人名誉　盼全体上台夺“最佳剧集”

电视剧《跳跃生命线》收视冲破30点，昨日（30日）举行祝捷晚宴，马德钟表示节目大受欢迎当然不少得整个团队的功劳：“多谢监制咁用心做呢套戏，亦都多谢编审写咗个好动人，可令人能够反思人生嘅剧本。好庆幸可以有幸参与其中，而戏入面每一位演员演技亦好好，所以系好感恩可以有呢个成绩。”

他表示自己在家收看剧集时反而比亲身拍摄时更加感触良多，尤其最近看完一场讲述杰仔俊仔两兄弟，发现在哥就是当年令他们决志做救护员的人，并在天台与他相认令他不禁流下泪来：“当然睇剧本已经会觉得好感动，但系拍嘅时候要兼顾好多嘢，同埋片尾嘅独白都系我去录，录嘅时候当然亦会带咗我戏入面嘅情感落去，估唔到当两件事合埋一齐嘅时候个爆炸力系咁大。”他说最能够触动到内心深处的是这场戏的独白配合得很应景：“个独白就系，人生除咗无常同意外，呢两兄弟仲系有希望同奇迹呢两样嘢。”

他说剧集开始进入全剧高潮，希望观众能继续支持香港电视剧：“希望可以攞到更好嘅收视，可以喺颁奖礼攞到‘最佳剧集’！”马神自己有没有信心问鼎最佳男主角？他谦虚称：“我自己唔敢奢望咁谂，我希望台前幕后出咗咁多力，可以齐齐整整大家所有演员企喺度攞呢个‘最佳剧集’奖！”